خيري رمضان يثير الجدل: الناس في المناطق الشعبية عايزين «الشاذلي» وزيرًا للتموين

أثار الإعلامي خيري رمضان الجدل، بتصريحاته خلال برنامج «مع خيري» عبر فضائية «المحور»، مساء الأحد، حيث أكد المواطنون في المناطق الشعبية يقترحون على الحكومة الجديدة أن يكون اليوتيوبر الشاذلي أو «كوكو» وزيرًا للتموين.

وأضاف رمضان: «قعدنا ندور هي الناس بتشكر في كوكو والشاذلي ليه؟ اكتشفت إني أنا اللي جاهل، وإني زمايلى كلهم بيشتروا من كوكو والشاذلي».

وتابع: «هما بيقولوا إنهم بيبعوا كتير وبيكسبوا قليل، يعني هي المشكلة إن التجار بيكسبوا كتير».

وأضاف أن «شاذلي بيقول إنه اشترى بيعة من البصل، وبيبيع الكيلو الواحد بـ3 جنيه، وبيقول إنه بيخسر، بس عشان كرامة، لو وزير تموين بيدور على كرامة الناس، ده الشاذلي ده يبقى وزير تموين كويس أوي».

واسترسل: «إيه اللي بيخلي الناس تبيع المنتجات دي بالأسعار دي، في آلاف من الناس بتشتري منهم». متسائلًا: «لماذا تقفز الأسعار بهذا الشكل؟! إيه اللي بيحصل؟! في حاجة غلط عند التجار، والرقابة، والحكومة».

وطالب رمضان، بحل أزمة ارتفاع الأسعار قبل شهر رمضان، معقبًا: «مش هينفع ندخل رمضان كده».