طلع بتاع كبدة.. ساندي تكشف مأساتها على يد «سمكري البني آدمين»

كشفت الفنانة والمطربة ساندي، عن مأساتها على يد “سمكري البني آدمين”، وذلك خلال لقائها مع الإعلامي عمرو الليثي في برنامج "واحد من الناس" المذاع عبر قناة الحياة.

وقالت الفنانة ساندي :" كنت تعبانه و كتفي بيوجعني فحد معايا في الجيم قالي فيه واحد صحبي شاطر جداً و جاي من امريكا و كدا فروحت لسمكري البني ادمين".

وتابعت:"قالي أنا معايا شهادات يعني أنا مش بتاع كبده فطلع بتاع كبده في الاخر ودخلي الغضروفين في النخاع الشوكي، واللي قالي عليه دكتور أصلا .. انا مش عايزه اقول اسمه يعني عشان ميزعلش بس هو كريم فهمي".

ساندي: مستعدة للموت 

وكشفت النجمة ساندي عن نظرة مختلفة للموت خاصة بها، قائلة: "أنا مستعدة للموت جدا، ومن كثر ما أنا شايفة الموضوع بوضوح بقيت مش بزعل على اللي بيموتوا، بالعكس أعتبرهم محظوظين، لإنه خلص رسالته وامتحانه".

وأضافت: "بنسبة كبيرة إحساسي إني حليت امتحاني كويس، وربنا سبحانه وتعالى بيقوي بصيرة الشخص لما يكون قريب فعلا".

وتابعت: "ناس كتير بتتخض مني لإني شايفة اللي هيحصل، وبقى في بيني وبين الحياة شفافية".

وردا على سؤال ما هي الوصية التي يمكن تتركها قبل رحيلها، قالت ساندي: "مقدرش أوصي الناس بحاجة، لكن عارفة إن سيرتي هتبقى كويسة".