بحط صباعي في عين اللي يجيب سيرته.. أول تعليق من هنا الزاهد بعد طلاقها من أحمد فهمي

علقت الفنانة هنا الزاهد لأول مرة على طلاقها من الفنان أحمد فهمي، بعد زواج استمر لـ 5 سنوات، وذلك خلال استضافتها في برنامج "كلاكيت"، الذي تقدمه الإعلامية لينة الطهطاوي عبر نجوم إف إم.

وقالت هنا الزاهد: "الحياة مش كلها وردي ولا كلها وحشة، ومش لازم أي اثنين يسيبوا بعض يبقى في مشاكل، في ناس مش بيتوفقوا مع بعض والنصيب مش بيكمل، لكن بيبقوا في منتهى الشياكة والاحترام".

أول تعليق من هنا الزاهد بعد طلاقها من أحمد فهمي

وأضافت: "إحنا كنا أصحاب في الأول، وبينا عشرة كبيرة 5 سنين، وأكيد في بينا كل احترام وهو شخص محترم جدا، ومش حاملة هم إني أشوفه، بالعكس شوفنا بعض في حفل جوي أوردز وسلمنا على بعض عادي، وهو دلوقتي صديق وزميل في نفس المهنة".

وتابعت: "الانفصال في الأول حاجة صعبة جدا علشان العشرة، لكن الحياة مكملة ولازم تقفي وتكملي، والحمد لله أنا تمام ومبسوطة وهو مبسوط جدا".