الفنانة منة جلال: ليه الناس بتهاجم الفنانين على لايفات التيك توك؟.. أنا عملت صدقات عليه

استنكرت الفنانة منة جلال من فكرة انتقاد البعض لظهور الفنانين في لايفات عبر تطبيق التيك توك، حيث أشارت إلى أنها استغلت هذا التطبيق في جمع الصدقات، كما أكدت أنه عندما تشعر بأزمات نفسية تظهر في لايف حتى تتحدث مع متابعيها عن أزمتها وهو الأمر الذي يجعلها تتخطى المحنة بشكل سريع.

وتحدثت منة جلال عن رأيها في ظهور الفنانين على تيك توك، من خلال لقائها مع الإعلامية تينا نصر في برنامج ضبة ومفتاح حيث قالت: لايف التيك توك فرق معايا كتير أوي، انا لما بكون محطمة نفسيا بطلع لايف علشان أتكلم مع الناس، بعتبرهم عيلتي وفرق معايا وبحبه وبقيت قريبة من الناس أكتر، بقى في روح وكيان والناس بتشوف أي فنان على طبيعته من غير ميك اب ومن غير لبس، وعملت صداقات عوضتني عن حاجات كتير في حياتي وبتديني طاقة إيجابية.

وأضافت منة جلال: بستغرب ليه الناس بتهاجم الفنانيين اللي بيطلعوا لايف علي التيك توك، أنا بطلع مع أصحابي نهزر ونضحك ونتبسط وفي أي مكان دلوقتي لازم تتسألي عندك كام متابعين والبلوجرز دلوقتي هما اللي بقوا في الأوائل، لكن في ناس بتفتعل التريند علشان تتشهر اكتر ودول عندهم أمراض نفسية.

يشار إلى أن برنامج “ضبه ومفتاح " من تقديم الإعلامية تينا نصر، ويذاع على شاشة قناة هي يومي الجمعة والسبت، وتستضيف فيه الإعلامية عددًا من نجوم الفن والاطباء النفسيين ويناقش تأثير الخريطة الفلكية على الإنسان.