محتاجة أحط 13 كيلو ماكياج.. ريهام سعيد باكية على الهواء: كنت عايزة أحارب السن

انهارت الإعلامية ريهام سعيد، على الهواء، خلال حلقة أمس من برنامج "صبايا"، الذي يعرض عبر قناة "هي"، وذلك خلال كشفها تفاصيل ما حدث لها على يد طبيب التجميل اللبناني نادر صعب وتشوه وجهها.

وقالت ريهام سعيد: " كل الناس لما كانت تشوفني كانت تقولي مالك خاسة ليه كدا... كنت بعيدة تماما عن الناس وكنت علشان أنزل محتاجة أحط 13 كيلو ماكياج وفي الاستوديو بنحط حاجة تدعم الوش وتخفي كل علامات الإجهاد ودي بفلوس كتير والقنوات بتأجرها لي".

ريهام سعيد باكية على الهواء بسبب عمليات التجميل 

وأضافت ريهام سعيد " ناس كتير أوي كانت عارفة إن حلمي التمثيل ومش الممثلة القديرة لكن كنت موجودة واشتغلت مع عمالقة وفي الدراما ميقدرش يمشي ورايا بفلتر ووقت ما حصلي كدا قولت خلاص ربنا مش عايزك تمثلي، ولو حد عاوزني في عمل هيقوله دي اتشوهت، كان في لحظات وحشة اوي".

ولم تتمالك ريهام سعيد نفسها من البكاء وقالت ": آخر مرة روحت للدكتور عملي فيلر عشان في حفرة جامدة عندي، بس أنا هدوب الفلير وهتعرض على الطب الشرعي وهيلاقي الحفرة دي".