"عنده حق لو مرجعش تاني".. عمرو أديب يدافع عن صلاح ضد منتقديه

هاجم الإعلامى عمرو أديب المنتقدين للدولي المصري محمد صلاح فى كأس الأمم الإفريقية، قائلا: تعجبت مما يفعله البعض مع محمد صلاح، ومش عايز أحمل ده على لجان أو ناس مزقوقة، مضيفًا: هناك حقد دفين على صلاح.

عمر أديب يدافع عن محمد صلاح

ودفاعا عن محمد صلاح ودوره مع منتخب مصر، أضاف عمرو أديب، خلال تصريحات تلفزيونية: هناك من يريد زوال النعمة منه والقضاء على صلاح، الأسطورة والرقم والصعب، وفيه ناس مقدرتش تحقق ربع اللى حققه، وبيحاولوا قتله والتخلص منه.

وتابع: أنتم يا مشجعين يا مصريين متثقوش فى محمد صلاح؟ أنتم لا تثقون فيه بعد كل الأرقام القياسية اللى عملها مع منتخب مصر؟ يعملكم إيه تاني؟.

وأكمل: بلده بتقوله يا ممثل يا جبان ياللى هربت، بينما البلد التانية بتسأل عليه وتكرمه، أنتم بتعملوا كده ازاي فى هذا الرمز؟ والله عنده حق لو مرجعش تانى، أنتم لا تثقوا فيه ازاى.

وأردف: ايه التوحش اللى أنتم فيه ده مع صلاح.. أومال لو حصلت أزمة هتعملوا إيه في بعض؟.

وفى سياق متصل، كشف الصحفي الإنجليزي سيمون هيوز، موقف لاعب منتخبنا الوطني محمد صلاح المحترف ضمن صفوف فريق ليفربول الإنجليزي، بعد إعلان رحيل المدرب الألماني يورجن كلوب في نهاية الموسم الحالي.

وقال الصحفي الإنجليزي سيمون هيوز عبر حسابه الرسمي على موقع التواصل الاجتماعي X، تويتر سابقًا: يمكنني تفهم افتراض رحيل محمد صلاح الصيف المقبل أيضًا، لأن ليفربول بحاجة للأموال لاستمرار إعادة البناء.