"بصلي عشان يرجعوا".. ليلى عبد اللطيف ترد على منتقديها بعد طلاق ياسمين عبد العزيز وأحمد العوضي

أثارت خبيرة الأبراج ليلى عبد اللطيف، الجدل من جديد، لتعليقها على انفصال ياسمين عبد العزيز وأحمد العوضي، وذلك خلال  لقائها مع برنامج ET بالعربي.

وقالت ليلى عبد اللطيف :"كذب المنجمون ولو صدقوا، أنا مش منجمة ولا ليا علاقة بعالم النجوم، أنا عندي إلهام وإحساس قوي لا أكثر ولا أقل، ومش عايزة قلبها ينجرح ولا قلبه لأنها شفافة وصادقة ورقيقة ودوغري معندهاش لف ودوران وهو طيب ومن عيونه هنشوف إنه بيحبها ومعرفش كلامي هو اللي أخد ضجة أكتر من خبر الطلاق ليه؟ ولو كنت أعرف ياسمين عبد العزيز وأحمد العوضي كنت اتصلت بيهم وقولتلهم خلوا بالكم هيحصل حاجة وكنت وقفت جنبهم ومكنش يحصل طلاق".

 ليلى عبد اللطيف ترد على منتقديها

وأضافت ليلى عبد اللطيف "أنا بصلي ليهم علشان يرجعوا وبتمنى يرجعوا لأنهم الاتنين كأنهم روح واحدة".

وتابعت: بتمنى اجتمع بياسمين ولو سألتني على أي حاجة هجاوبها، أنا بتمنى ترجع لـ أحمد العوضي والشعب العربي كله بيحبهم وهما كأنهم روح واحدة، وأنا بصلي علشان يرجعوا لبعض وإن شاء الله ربنا يستجيب.