شقيقة محمد صلاح : هنكسب 2-0 في مباراة غانا اليوم .. والبطولة مصرية

توقعت رباب صلاح، شقيقة اللاعب محمد صلاح، نجم ليفربول والمنتخب الوطني، في مباراة مصر وغانا اليوم، وذلك خلال  لقائها مع الإعلامية سهير جودة.

وأكدت شقيقة صلاح إن المنتخب المصري سيفوز على منتخب غانا اليوم، بهدفين دون رد، ضمن لقاءات دور المجموعات في بطولة أمم افريقيا 2023، والتي تقام في كوت ديفوار، «إن شاء الله البطولة لمصر».

شقيقة محمد صلاح تكشف طقوسه قبل المباريات 

وأضافت: «في مكالمة لينا مع محمد قبل كل ماتش هيلعبه، ووالدتي بتدعيله بتقوله ربنا يوفقكوا وتكسبوا، وهي طول الوقت بتقعد تدعي لمحمد وبتفضل ماسكة السبحة وقت الماتش».

وتابعت: «والدتي لما بنكون كلنا معاها في البيت بتحب تتفرج معانا على ماتشات محمد، لكن في أغلب الوقت بتتفرج لوحدها وبتركز في تفاصيل الماتش وفي الدعاء لمحمد، وده قمة استمتاعها، وهي بعد الماتش بتقوله أنت مثلا انهاردة كنت وحش المفروض كنت تعمل كذا، هي ماما بدأت تحلل».

واسترسلت: «في أوقات مثلا محمد بيكون عنده عدم توفيق، أو تعرض لهزيمة مع فريقة، علطول اليوم ده بيبقى قفل في بيتنا، وأنا دخلت في حالة نفسية وحشة جدا لما محمد وقع على دماغة في مباراة مع ليفربول، وخرج من الماتش، كنت قلقانة عليه جدا».

وأوضحت رباب: «أنا لما بتسئل عن انتقال صلاح من ليفربول لنادي آخر أقول أنني لا أعرف طبيعة شغلة، ولا أعرف ما هو الأنسب له، أنا كـ رباب أخته مبتعداش الحاجات اللي هو على علم جيد بيها».