محسس الناس أنك ميسي مصر.. إبراهيم سعيد لـ رضا عبدالعال: «أنا رافع 2 أمم أفريقيا.. أنت خدت إيه؟!»

هاجم إبراهيم سعيد، لاعب منتخب مصر لكرة القدم السابق، الكابتن رضا عبدالعال ردا على انتقاده له مؤخرا.

رضا عبدالعال

وقال إبراهيم سعيد: «كابتن رضا عبدالعال أكتر واحد بينتقد اللاعبين والجماهير، فأنا جبت التصريحات دي ورديت ومعرفش ليه كابتن رضا مقموص، أو ليه زعلان، وانا جبت تاريخ حضرتك عشان الجيل ده ميعرفش».

إبراهيم سعيد

وأضاف خلال تصريحات تليفزيونية: «مشوفتش حضرتك في منتخب مصر، وعايزني اطلع أقول انك واخد كأس العالم ودوري الأبطال ولاعب 900 ألف ماتش، علشان حضرتك تبقى مبسوط، أنا راجل صريح وواضح واتقبل كل النقد، وفي الأول والأخر أنا بتكلم كورة، وانا مش عامل برنامج عشان حضرتك».

منتخب مصر

وتابع: «معظم مبارياتك مع المنتخب هي ربع ساعة، وأنت اخرك ربع ساعة، وطوال تاريخك 4 ماتشات مع المنتخب، والتقارير قالت انك شاركت 45 دقيقة، وإحنا في الأول والأخر بنتكلم كورة وطبيعي إني أرد عليك وأنت بتنقد وبتزعل من النقد ليك، وانت مسبتش حد إلا وفرمته، ووصلت للناس إنك ميسي، وحسست الناس إنك رافع كاس العالم ورافع دوري الأبطال، وعارف انك ميسي بتاع مصر ومعاك 3 أمم إفريقيا  لعب كاس عالم حضرتك يا كابتن ملعبتش غير 4 ماتشات بس، وأنا لعبت 76 ماتش ولعبت 3 كاس أمم إفريقيا وكسبت اتنين منهم، وأنا مش هتكلم غير في الكورة».