"كذب المنجمون ولو صدقوا".. تعليق قوي من سارة نخلة عن طلاق ياسمين عبد العزيز والعوضي

حرصت الفنانة ومقدمة البرامج سارة نخلة، بالتعليق على طلاق الفنانة ياسمين عبد العزيز وأحمد العوضي، وذلك بعد تداول العديد من رواد السوشيال ميديا نبؤة ليلى عبد اللطيف، والتي أكدت خلالها منذ أكثر من 15 يوما، طلاق ياسمين عبد العزيز والعوضي، في أوائل عام 2024.

طلاق ياسمين عبد العزيز والعوضي

وقال سارة نخلة على طلاق ياسمين عبد العزيز والعوضي، في برنامجها فيس أوف والذي يذاع على شاشة قناة هي: الناس متفاجئة و حصل قلبان زي اللي حصل مع انجلينا جولي وبراد بات لما سابوا بعض وخانها، ياسمين عبد العزيز و احمد العوضي هما الاتنين فى نفس ذات الثانيه نزلوا خبر على السوشيال ميديا ان هما اتطلقوا و لكن في صدفه غريبه جدا لان هو من 16 ساعه لسه منزل ليها هابى بيرث داي و حبيبتى و حب و غرام".
وتابعت: "انا اشتغلت مع ياسمين عبد العزيز هى نجمة الشباك الاولى فى مصر مظنش ان فى ست في العالم تقدر تعمل فيلم سينما ويجمع الايردات دي كلها وأحمد العوضي انسان ناجح و شاطر ونجم صف أول و الاتنين فظاع و بجد لايقين على بعض جدا".

سارة نخلة تعلق على طلاق ياسمين عبد العزيز والعوضي 

وأضافت: "توقعات ليلى عبد اللطيف في رأس السنه بطلاق ياسمين عبد العزيز و أحمد العوضي، ويجى بعد 16 يوم يحصل الطلاق لا ده كذب المنجمون ولو صدفوا وايمانكم بربنا فين هل من الطبيعي يطلع حد يقول دول هيطلقوا و يطلقوا فعلا اكيد ده كدب مليون في الميه كدب وهيبان فى الايام الجاية".

واختتمت: "طلع بنات على السوشيال ميديا تقول لما ياسمين عبد العزيز اطلقت طب احنا نتجوز ليه بلاش المقارانات دى لأنه لا انتي ياسمين عبد العزيز و لا انت احمد العوضي، من اول ما اتجوزوا بيقولوا ده في بينهم فرق 10 سنين ده هي عندها اولاد كبار وهو متجوزش كفايا نبر الست دخلت المستشفى بعد كام شهر كفايا نبر، انا بتمنى ان يكون الاكونتات بتاعتهم متهكره او أنها تكون حركه مع انها حركه بايخه بس انا حابه انهم يكونوا مع بعض".