"مش عارف أنام من ريحتهم".. محمد رمضان يهاجم منتخب غانا من كوت ديفوار

أجرى الفنان محمد رمضان، مكالمة هاتفية، مع قناة DMC، مؤكدا تواجده بنفس فندق إقامة لاعبي منتخب غانا، والذي من المقرر أن يقابل منتخب مصر خلال كأس الأمم الإفريقية 2024

وقال محمد رمضان: أنا موجود في الأوتيل اللي موجود فيه منتخب غانا، وفي نفس الدور عندي، مش عارف الشركة غلطت ولا إيه؟".

وتابع: أعتقد لو واخدين بالهم إني مصري هيخافوا يعملوا كده، والدور كله ريحته أبو فاس تقريبًا في علاج طبيعي في الدور مش عارف أعيش، مش عارف هل دي حاجة طبيعية لـ لاعيبة الكرة ولا إيه أنا مش عارف أنام من الريحة.

محمد رمضان: منتخب غانا لو عرفوا إني مصري هيخافوا مني 

وأضاف: أنا مؤمن بحاجة اسمها قانون الجذب، أن الشيء اللي بنحلم بيه وبنسعى إليه هو كمان بيسعى لينا، وفي صلة رحم كبيرة بينا وبين الوطن العربي كله، ولكن بننسى إنتمائنا بقارتنا واللي بيربط ده كرة القدم.

واسترسل: كنت بتسأل ليه الفن مش بيربط ده زي ما كرة القدم عاملة، وكنت عامل أغنية مع مغني أمريكي اسمه فيوتشر، والشركة الأمريكية دي جالها إيميل من القسم الخاص بـ إفريقيا ووقع الاختيار عليا، والغريب أنهم قالوا ليهم عايزين مغني يمثل إفريقيا في الإيفينت وأنا بغني من 5 سنين، مبسوط جدًا وفخور بوجودي، ويارب يكون وشي حلو على المنتخب ويارب ناخدها للمرة الثامنة بعد عمر طويل أوي.