إمام عاشور يوجه رسالة لجماهير الأهلي: حلفت أني ممكن أموت نفسي عشانكم

أعرب إمام عاشور، لاعب خط وسط الفريق الأول لكرة القدم بالنادي الأهلي، عن سعادته البالغة بتواجده داخل صفوف الفريق الأحمر.

إمام عاشور يوجه رسالة لجماهير الأهلي: حلفت أني ممكن أموت نفسي عشانكم

وقال إمام عاشور، في تصريحات لبرنامج «اللعيب»، المذاع عبر فضائية «ام بي سي مصر»: «النادي الأهلي شرف لأي لاعب، أنا سعيد بوجودي داخل القلعة الحمراء، من أول يوم ليا في النادي اللعيبة كلها في ضهري وبيساندوني ويدعموني، وده اللي كنت محتاجه الفترة اللي فاتت من اللعيبة، مكنتش محتاج دعم غير من اللعيبة».

وأضاف: «دعم لاعبي الأهلي ليا أمر يسعدني، كنت بنزل الملعب ممكن أموت نفسي عشانهم»، مضيفًا: «الكابتن محمود الخطيب، من أول يوم ليا في النادي مقصرش معايا في حاجة ودايمًا في ضهري وبيقولي الصح».

وتابع: «أنا بحب ألعب تحت ضغوطات، ميفرقش معايا كلام الناس السلبي، أنا أول ما أنزل الملعب وألبس تيشرت الأهلي، بقيت ملزم إني لازم أفرح الجمهور ومجلس الإدارة والجهاز الفني».