في ذكرى ميلاده الـ 44.. مصطفى درويش الغائب الحاضر.. قصة فتح مطعمه لغير القادرين.. وسر الدور الذي رفضه لأسباب دينية

تحل علينا اليوم ذكرى ميلاد الفنان مصطفى درويش، حيث يتم عامه الـ 44، فقد ولد عام 1980، ورحل عن عالمنا في مايو 2023، بعد تعرضه لأازمة قلبية مفاجئة.

ويستعرض موقع بصراح في السطور التالية، قصة فتح مطعمه لغير القادرين، وسر الدور الذي رفضه من قبل لأسباب دينية.

وكانت قد كشفت الفنانة إيمان العاصي عن تفاصيل أخر حديث مع الفنان الراحل مصطفى درويش، متأثرة من خبر وفاته.

وكتب إيمان العاصي عبر موقع التواصل الاجتماعي فيسبوك: ماكنتش لسه عرفاه شخصيآ بس كنت اسمع انه عنده مطعم بيفتحه أوقات معينه في اليوم لأي حد محتاج كلمته وسألته قالي طبعآ هجيلك برجلتي”.

وأضافت إيمان: “ روحت علي المكان لاقيت كذا عربيه مليانه واجبات كتير أكتر من عدد الناس و رجاله كتير بتساعد وتوزع وكان عاوزنا نعمل كدا كل يوم …وأمني أمانه كل ما نعمل كدا أكلمه .. أنا غصب عني بكره الموت قوي صدمه كبيره يا مصطفي اللهم لا أعتراض”.

مصطفى درويش: اعتذرت عن فيلم الملحد عشان ديني أهم

وفي تصريح سابق للفنان الراحل مصطفى درويش كان قد كشف عن سبب انسحابه من فيلم "الملحد" بعد رفضه لبعض آراء الكاتب إبراهيم عيسى.

وكتب مصطفى درويش، عبر صفحته بموقع التواصل الاجتماعي فيس بوك: "الأزهر قال كلمته ونصر الحق، ممكن مسمعش صوت معارض لو سمحتم، لأن احنا مرجعيتنا للأزهر وأنا ولا شيخ ولا حاجة، أنا لسه بادئ انتظم في الصلاة من قريب، وكان بعد مشكلة حصلت لي، فقربت من ربنا".

وأضاف: "اعتذاري عن فيلم الملحد جاء في أصعب ظروف محدش عارف عنها حاجة، محتاج ماديات فعلا ومحتاج شغل لأني لسه في أول الطريق، فأكيد اعتذاري عنه كان على عيني، بس ديني أهم وأنا لا غلطت في الأستاذ إبراهيم ولا غلط في حد".

وتابع: "أنا بس أخدت قرار أدافع عن الصلاة اللي بصليها والإسلام اللي هو ديني ودين امتي، ولو كان الأستاذ غلط في أي ديانة مسيحية أوغيرها كان هيبقى نفس موقفي، أنا مسلم مؤمن بكل الرسل والديانات السماوية ومقبلش حد يشكك في الكتب السماوية واسكت، نقفل الموضوع ده علشان أخد أكبر من حجمه".