عمرو أديب: مش هعبر أي حد موقفش جنبى السنة اللي فاتت

قال الإعلامي عمرو أديب، إنه اتخذ قرارًا واضحًا للعام الجديد، معتبرًا 2024 عام العدل في المعاملة والعطاء مقابل الوفاء.

وكتب في تدوينة عبر صفحته الرسمية بمنصة «إكس»، مساء الأحد: «عندي قرار واضح للعام الجديد، أنا مش هعبر أي حد موقفش جنبي السنة اللي فاتت وكل اللي سقطوا في الامتحان ملهمش ملحق ولا إعادة سنة».

وأضاف: «أما الجدعان الرجالة المحترمين والستات الأصيلة في 24 ياخدوا عينيا الاثنين. ترعانى قيراط أراعيك قراطين. هذا عام العدل في المعاملة والعطاء مقابل الوفاء».

وفي سياق أخر علق الإعلامى عمرو أديب على تأهل الأهلي إلى نهائي كأس السوبر المصري، بعد الفوز على سيراميكا كليوباترا، بهدف دون رد، اليوم الإثنين، في نصف النهائي الذي جمع الفريقين، بملعب محمد بن زايد في العاصمة الإماراتية أبوظبي.

وقال «أديب»، في تعليق خلال برنامجه «الحكاية»، عبر قناة «mbc مصر»، مساء الإثنين: «النهارده طلع عليا حاجة عمال بقول حسبي الله ونعم الوكيل، قاعد بتفرج على ماتش الأهلي وسيراميكا وفي الدقيقة 95 كالعادة، كورة لو اتلعبت مليون مش هتكرر».

وأضاف: «إمام عاشور عدى من خرم إبرة وخد الباك في ظهره، ولعب الكورة راحت خبطت في العارضة وفي مدافع سيراميكا ودخلت جون والأهلي كسب، ده مش نادي القرن ده عندهم حظ القرن، الأهلي خد كل الحظ إلى في القرن».

وتابع «أديب»: «سيراميكا في أوقات كثيرة كان ممكن يغير الماتش، لكن تحس أن هناك شيء ما لازم الأهلي يكسب، وأنا قاعد والله اتنقطت واتجننت، كل مرة نفس الحكاية».