كلها سيئات جارية.. مصور البلوجرز الشهير مكي يعتزل تصوير الأفراح ويحذف محتواه بالكامل

أعلن مصور البلوجرز الشهير  أحمد مكاوي والشهير بـ مكي"، اعتزاله تصوير حفلات الزفاف والحفلات التي تحتوي على أغاني ورقص، وتفرغه للتصوير التجاري فقط.

وأعلن مصور البلوجرز الشهير مكي، اعتزاله عبر حسابه الرسمي بموقع تبادل الصور والفيديوهات الشهير “ إنستجرام”، من خلال فيديو، علق عليه قائلا :" إلا من تاب وآمن وعمل عملا صالحا فأولئك يبدل الله سيئاتهم حسنات . [ الفرقان: 70]".

مصور البلوجرز الشهير مكي يعتزل تصوير الأفراح

وقال مكي:" مفيش أفراح ولا حفلات تاني، هكمل في التصوير التجاري للعلامات التحارية والمنتجات، وربنا ينصرني على كيد الشيطان، أنا كنت شايف تصوير الافراح بمسمي تاني زي إنك بتعمل عمل عظيم وبتشجع الشباب يتجوز ، وكنت فاكر إني بعمل الفيديوهات بشكل تحفة والشيطان اقنعني من الباب ده".

وتابع :" الحمد لله الذي هدانا وخلانا نشوف الحق ورزقنا اتباعه، ونشوف الباطل نهائيا بلا رجعة فيه".
 

أحمد مكاوي يعتزل تصوير الأفراح 

وتابع :" زي ما فيه حسنات جارية في سيئات جارية، وربنا هداني وخلاني أشوف السيئات الجارية بسبب فيديوهاتي".

وأضاف :" أنا حذفت المحتوى بتاعي بالكامل، وأتمني لو حد شاف أي فيديو ليا يبلغني بيه عشان امسحه".

وكشف المصور مكي، عن سبب قراره ، قائلا :" الشكل اللي خلاني أقرب أوي من ربنا واتخذ قراري هو الصلاة، أنا كنت بصلي بالمعوذتين بس دلوقتي بقيت أحفظ جزء عامة عشان عشان أنوع في الصلاة ولو مصليتش أقعد اهرش في نفسي، ومش مرتاح".

كما كشف عن عوض ربنا له، قائلا:" اتمنيت فى الوقت اللي أسيب فيه تصوير الأفراح اشتغل في حاجة ترضي ربنا، ومع آخر فرح صورته وقررت الاعتزال، وبلم العدة، جاتلي رسالة على الموبايل مكتوب فيها اركب الطيارة وتعالى بكره المدينة الممنورة عايزينك في تصوير".

واختتم قائلا:" الحمد لله كريم ربنا كبير، من ترك شيئا لله عوضه خيرا منه".