حورية فرغلي في تصريح صادم: لقيت عمل سفلي حرمني من الزواج والإنجاب

أطلقت الفنانة حورية فرغلي، عدد من التصريحات الصادمة، التي جعلتها تتصدر التريند خلال الساعات الماضية.

وكشف حورية فرغلي، خلال لقائها مع برنامج "من الآخر" الذي يعرض عبر قناة ON TV، عن تعرضها لسحر سفلي بالتعطيل وعدم الزواج.

وقالت:"كنت بخس طول الوقت وعيانة ومحدش عارف عندي إيه لحد لما لقيت في عمل في البيت، ولما فتحتها لقيت فيها دم بتاعي ولقيت ورقة مكتوب عليها حورية بنت نادية تصاب بالمرض وتصبح ضريحة الفراش ويقف جوازها وخلفتها ورزقها".

حورية فرغلي: غير مرغوب فيا بالوسط الفني 

وأضافت:"لقيت إن عشان أفك العمل دا لازم أستعين بجن عشان دا عمل سفلي ولو عملت كدا كأني كفرت فحجيت كذا مرة ودعيت ربنا، ولسة بركب خيل لحد دلوقتي، وشايفة الوسط الفني في حاجة غريبة مش هو اللي بدأت فيه من 13 سنة ومعرفتش أتأقلم لأن في شلل وأنا ماليش شلة وحاسة إني مش مرغوب فيا في الوسط الفني".

حورية فرغلي تشكو معاناتها من الوحدة 
 

كشفت الفنانة حورية فرغلي معاناتها مع الوحدة، وذلك من خلال فيديو نشرته عبر صفحتها الرسمية على موقع تبادل الصور والفيديوهات “إنستجرام”،  من مقابلة أجريت معها .

وقالت حورية فرغلي :"الناس ممكن تحسدني على إيه؟ أنا قاعدة لوحدي وعندي كلب، معنديش صحاب وتليفوني مش بيرن، وطول الوقت مع الآيباد والقراءة، أو أنزل ألف التراك، ومش بعمل حاجة في حياتي".