قوتوني بدعواتكم وحبكم.. شيماء سيف توجه رسالة جديدة لجمهورها بعد أنباء انفصالها

طمأنت النجمة شيماء سيف جمهورها ومتابعيها عبر موقع "إنستجرام"، عن حالتها النفسية ولم تؤكد أو تنفي الأنباء التى ترددت حول انفصالها عن زوجها المنتج محمد كارتر.

وكتبت شيماء سيف: "عمرى متخيلت إن غلاوتى تكون كده عندكم كنت زعلانة وقوتونى بدعواتكم وحبكم اللى من القلب بجد ربنا يخليكم ليا انتو وكل اصحابى الفنانين الى اتاكدت انهم عيلتى التانية ربنا يديم حبكم فقلبى ودايما سند وعيلة لبعض واسفة انى كنت مبردش بس للأسف أنا مبعرفش أخلى حد يشوفني مضايقة لأنى بحس إنى ضايقته معايا فبحب اختفى لحد ما أرجع زى ماكنت أضحك وأضحكم معايا والحمد لله أنا دلوقتى زى الفل وزى ما قلقتكم كان لازم أطمنكم.. وكل سنة وأنتم أطيب ناس فى الدنيا ورمضان كريم".

وكانت شيماء سيف قد أثارت الكثير من التكهنات حول علاقتها بزوجها، بعدما كتبت رسالة غامضة عبر حسابها على "إنستجرام"، جاء فيها: “محدش يجي على نفسه علشان حد متجملوش الناس على حساب نفسكوا سيوا كل حد يبان على حقيقته علشان لما يأذيكم، مش هتعرفوا تثبتوا عكس اللى جملتوه فى عين الناس".

وكتب كارتر زوج شيماء سيف عبر حسابه على "إنستجرام"، أمس: “من بعد ما عرفتك عمري في حياتي ماتخيلت حياتي من غيرك انتي النفس اللي خارج وداخل مني انتي الضحكة اللي بضحكها إنتي القلب اللي بعشقه الناس كلها بتتعامل على إنك مراتي وهما ميعرفوش انك بنتي ايوا والله بنتي وحبيبتي وكل حاجة ليا في الدنيا دي .. بدعي لربنا في سري بأنه يخليكي ليا عمر وحب وقرب ميعرفش البعد أبدآ".