بتجوز عشان أجرب.. تصريحات مثيرة من أحمد فهمي في أول ظهور بعد انفصاله عن هنا الزاهد

كشف الفنان أحمد فهمي العديد من الأسرارا حول حياته الشخصية، وذلك ي خلال لقائه في برنامج "Abtalks"، من تقديم الإعلامي أنس بو خش، في أول ظهور له بعد انفصاله عن هنا الزاهد.

وقال فهمي:"بنضيع وقت لحد ما نموت، وحالتي النفسية ألخصها في فيلم "سمك لبن تمر هندي"، أنا متقلب جدا، وحسب المكان، ممكن أكون مبسوط جدا، وممكن أكون متعفرت مش عارف ليه".

وتابع:"أنا بني آدم مش عايز حاجة، عايز أعيش حياة كويسة، البني آدم اللي بيكون محتاج دايما بيكون ضعيف، أنا مش عايز حاجة من حد، أنا ممكن أسافر المكان اللي برتاح فيه جدا سينا قدام البحر، ومتغيرش اللبس اللي أنت لابسه مثلا لمدة أسبوع".

أحمد فهمي: حياتي سمك لبن تمر هندي 

وتحدّث أحمد فهمي عن جوانب شخصيته قائلاً: "لو حياتي فيلم هسميها سمك لبن تمر هندي، وأنا نفسيًا متقلب جدًا على حسب المكان عشان كده ممكن الناس تشوفني غريب، أنا بني آدم مش عايز حاجة أنا مش شخصية متطلعة، البني آدم اللي عايز دايما بيكون ضعيف مش قوي، فـ أنا حابب دائما إني مكنش عايز حاجة أو بمعنى أصح مش عايز حاجة من حد أنا متطلباتي بسيطة جدًا".

وكشف ": عمري ما أقهر حد هو في احتياج ليا حتى بنظرة، وعمري ما أفكر إن حد شغال عندي عشان عيب جدا... ودي كسرت الايجو جوايا وكنت شايف نفسي ناجح جدا وقت الجامعة... ولكن لما رجعت من أمريكا بقيت بفكر بشكل تاني خالص.

أحمد فهمي: مضيت عقد طلاق أبويا وأمي وأنا عندي 19 سنة

وعن علاقته بوالده قال أحمد فهمي: والدي صاحبي جدا وأمي ست عافرت كتير، وعقد طلاق أبويا وأمي ماضي عليه وأنا عندي 19 سنة... وكلمة متخربش البيت بشوفها دي كلمة جاهله جدا لأني بشوف صلاح البيت في الانفصال.

وعن عدم إنجابه قال: “أنا متأخر في الخلفة لأن التعامل مع الطفل أخطر حاجة ممكنة.. ولو هوصف طفولتي هقول لا تراجع ولا استسلام، وطفولتي هي أهم حاجة، وبحب أجرب واستكشف ومعتبرش حاجة تضييع وقت، ولازم البني آدم يعرف يتعامل مع الطفل اللي جواه”.