«محدش بيلوي دراع الأهلي».. هجوم ناري من هادي خشبة على محمد عبدالمنعم بسبب أزمة التجديد

محمد عبدالمنعم والأهلي.. وجه نجم النادى الأهلي السابق هادى خشبة، رسائل نارية إلى محمد عبدالمنعم، مدافع الفريق الأول لكرة القدم بالقلعة الحمراء، وذلك بعد الرسالة التى نشرها اللاعب عبر صفحاته على مواقع التواصل الإجتماعي في الساعات الماضية.

محمد عبدالمنعم والأهلي

كان «عبدالمنعم» كتب على حسابه الرسمى: «حلمك أمسك فيه وخليك وراه، ممكن آه متكنش واخد حقك، ومفيش تقدير، بس ربنا شايف أنت بتشتغل إزاى وبتتعب إزاى عشان تكمل».
وتابع: «لازم تكمل، مفيش اختيار تانى عشان حلمك اللى ضحيت بحاجات كتير أوى علشانه، وعلشان حلم أهلك اللى فخورين بيك وأنت سبب سعادتهم، لازم تكمل علشانك وعلشانهم».

محمد عبدالمنعم والأهلي

وقال هادى خشبة، خلال برنامج «اللعيب»، المذاع عبر فضائية «إم بى سى مصر»: «محمد عبدالمنعم، لاعب مميز للغاية وله مستقبل كبير وقادر على اللعب فى أى من الأندية الكبرى فى أوروبا».

ووجه نجم الأهلى السابق، رسائل إلى محمد عبدالمنعم، قائلًا: «من الطبيعى لو عاوز حاجة من النادى الأهلى تكون فى الغرف المغلقة وليس فى وسائل الإعلام، أنت لسه لاعيب صغير لو ليك طلبات معينة اطلبها بأدب واحترام».

محمد عبدالمنعم والأهلي

وأضاف: «أصبر شوية ومتستعجلش، النادى الأهلى هو اللى قدمك، وهو اللى كبرك، معروف إن النادى الأهلى دايمًا بيقف جنب أولاده بس محدش يلوى دراعه ويتكلم إعلاميًا بشكل لا يليق حتى لو أنت كنت مين».