طارق عبد العزيز في آخر لقاء تليفزيوني: لو اتأذيت من حد بنسى وبقف معاه في مواقفه الصعبة

قال طارق عبد العزيز في آخر لقاءاته التليفزيونية مع الإعلامي عمرو الليثي: ربنا أنعم عليا أني لو اتأذيت من حد بنسى ولا بفكر في الانتقام منه ولو حصله موقف صعب بقف معاه وبسامح عشان ربنا يسامحني.

طارق عبد العزيز في آخر لقاء تليفزيوني

وأضاف عبد العزيز، في حواره مع الإعلامي عمرو الليثي: “بستبدل الإساءة دي بحسنة، وبسامح عشان ربنا يسامحني، وأتمنى كل الناس تكون كدا”.

طارق عبد العزيز: برفض الأعمال اللي فيها تجاوزات 

وأكد الفنان الراحل، خلال تصريحاته: رفضت دور كنت هجسد فيه دور شيخ أزهري يقع في حب راقصة عشان حسيته بيسيء للشيخ الأزهري، أنا الفن اللي بقدمه لازم يكون فيه رسالة وبرفض الأدوار اللي فيها تجاوزات.. وقعدت سنتين مش لاقي حاجة عدلة، وفي 2006 كانت في عز الفقر المدقع، وكان عندي ورشة للوحات الكهرباء، وتعرضت للخسارة، وتلقيت عروض عمل كثيرة وقتها ولكن كانت ضمن نوعية الأفلام التي لا أوافق عليها انطلاقا من مبادئي.

وفاة طارق عبد العزيز 

وكان قد رحل عن عالمنا الفنان طارق عبد العزيز إثر تعرضه لأزمة قلبية مفاجئة اثناء تصوير مشاهده في مسلسل بقينا اتنين، حيث سقط بشكل مفاجئ على الأرض وتعرض للتشنجات للحظات، ثم توقف قلبه وعاد مرة أخرى، وفور نقله إلى المستشفى لفظ أنفاسه الأخيرة هناك.