رانيا يوسف: اتجوزت محمد مختار عشان أهرب من تحكمات أهلي

أثارت الفنانة رانيا يوسف الجدل خلال الساعات الماضية، وذلك بعد أن حلت  ضيفة على برنامج «كتاب الشهرة»، مع الإعلامي اللبناني على ياسين عبر قناة «الجديد».

وكشفت الفنانة رانيا عن سبب زواجها من المنتج والفنان محمد مختار، مؤكدة أنه بسبب رغبتها في الهروب من «تحكمات والدها ووالدتها».

وقالت : «أحد أسباب زواجي من محمد مختار رغم السن اللى بينا إنى أهرب من تحكمات أهلي وتحديدا والدتى».

رانيا يوسف تكشف سبب زواجها من محمد مختار 

وأضافت: «في أوقات كنت سعيدة معاه وخاصة لما خلفت بناتي نانسي وياسمين، دي أكتر فترة في عمري كنت فيها سعيدة لأني بحب الأطفال، وكان نفسي يكون عندي بنات والحمد لله ربنا كرمني بيهم، وعشت طفولتي معاهم».

واستكملت: «حاولت يكون هناك ود بيني وبينه لكنه رفض، وبناتي راحوله بيته ولكن رفض يفتحلهم الباب».

رانيا يوسف: لو بنتي عايزة تعيش المساكنة مش هرفض
 

وكشفت عن رأيها في المساكنة في حالة علمها بأن ابنتها تعيش المساكنة مع شاب فكيف ستتصرف، قائلة:" لن أتدخل في قرارها لأن قبولي أو رفضي لهذا الشيء لن يغير قرارها".

واستكملت:" أنا لن أعيش المساكنة أعوذ بالله أنا غير ابنتي وتربيتي غير تربيتها".

وبسؤالها عن التحرش قالت: "كنت في رحلة من الرحلات لأني كنت مضيفة جوية بجانب شغلي في التمثيل والدراسة وبعدها حصل موقف التحرش، وأنا بفضح المتحرش وبجيب الحق عليه وده مش من حقه مهما كانت الست لابسة إيه، وحتى لو كانت نسبة الإغراء عالية برضة ملهاش دخل، اللي بيتحرش ده حد مريض".