الرئيس السيسى: احنا كلنا حاسين بأهلنا في غزةوبنحاول نخفف عنهم بقدر الإمكان

عبر الرئيس عبدالفتاح السيسى، عن سعادته بوجوده في مؤتمر تحيا مصر وفلسطين.

وقال الرئيس السيسي، "سعيد إن أنا موجود معاكم النهاردة .. والجهد اللى انتوا بتعملوه ده .. الشباب والشابات في الأيام الصعبة اللى موجودة .. بنحاول نخفف بيها عن أهلنا في القطاع .. وده أمر افتكر إن احنا كلنا حاسين بيهم وكلنا بنحاول نخفف ما أمكن عنهم".

وفي ذات السياق أكد الرئيس عبد الفتاح السيسي، أن الدولة المصرية لم تغلق معبر رفح أبدا، متابعا: "مهم أوي النقطة دي.. بقولكم الكلمة دي علشان شوفت الكثير من المغالطات.. إننا مش عاوزين أو بنقفل المعبر.. المعبر مفتوح بشكل مستمر.. وكنا مستعدين".

وأضاف الرئيس السيسي، لدى وصوله ستاد القاهرة للمشاركة في مؤتمر "تحيا مصر فلسطين": "قبل موضوع 7 أكتوبر كانت بيدخل 500 شاحنة يوميا.. ولما يبقي فيه أزمة كبيرة كده.. مش من صفاتنا أو سماتنا أننا نقفل المعبر".