الدكتور هاني الناظر يوجه رسالة لمحبيه من داخل المستشفى

خرج الدكتور هاني الناظر، بعد معاناة من المرض، استمرت قرابة شهر ونصف، بكلمات يطمئن فيها محبيه على آخر تطورات حالته الصحية.

هاني الناظر: قسوة وشراسة مرضي منعتني من الذهاب لشغلي

وكتب هاني الناظر عبر صفحته الشخصية على الفيس بوك: «الحمد لله ..يمكن المرض بقسوته وشراسته قدر يمنعني من الذهاب لشغلي وقدر يمنعني من الذهاب للعيادة وأبقاني في المستشفى حتي الان ولفترة قادمة.

وأضاف: «لكن باذن الله وقوته ورحمته اتمني ان لا يحرمني  المرض من التواصل معكم  واستقبال عدد من اسئلتكم الطبية والاجابة عليها وكتابة العلاج في حدود قدرتي الصحية.. واشكر حضراتكم من كل قلبي علي دعائكم وصلواتكم من أجلي وربنا يحفظكم ويبارك في صحتكم جميعا».

نجل الدكتور هاني الناصر يكشف مدة علاج والده بالكيماوي

وفي نفس السياق، وجه إبن محمد نجل الدكتور هاني الناظر، رسالة شكر، لكل من بادر بالسؤال والاطمئنان على حالة والده الصحية.

وكتب عبر صفحتة الشخصية فيس بوك، قائلاً: «أنا حابب أشكر كل الناس اللي بتسأل على دكتور هاني الناظر.. احنا لازالنا في المستشفى بياخد العلاج الكيماوي والعلاج ده لسة مستمر لحوالي ٤ شهور».

وأضاف: «فمافيش أي جديد عشان أقوله غير إننا ندعي لحد ما يارب العلاج يخلص على خير وربنا يكتب له الشفاء، عشان كده أي حد بيسألني ماعنديش حاجة اقولها.. هو طلب مني النهاردة اني خلاص اتعامل على الصفحة بشكل طبيعي وماتكلمش عن مرضه تاني، وربنا يكتب الشفا وماتنسوناش من دعائكم».