المفروض عمر الشريف.. أحمد حلمى يفجر مفاجأة غير متوقعة بشأن بطل فيلم عسل أسود

كشف الفنان أحمد حلمى عن كواليس شيقة للجمهور وخاصة جهور الفيلم الشهير “عسل أسود”، قائلا إن زوجته منى زكى كانت معترضة على الدور بشكل كبير، «قالت لى أنت مينفعش تكون فى الدور ده من الأساس».

عمر الشريف البطل الأساسي 

وأضاف «حلمى»، خلال تصريحات مع برنامج «Sold Out Interviews»، المذاع من خلال قناة «سى بى سى»، أن الدور كان مرشحًا في البداية للفنان الكبير والعالمي “ عمر الشريف”، وهو كان سيقوم بعمل دور موظف فى شركة من الأساس، ولكن حينما قرأ الفيلم برفقة خالد دياب تحدث أن يكون الشباب هو أساس الحلم وليس العكس.

 الشباب هو أساس الحلم

وتابع أحمد حلمى: «كنا عاوزين نخلى اللى جاى من السفر شاب، فبدلنا وخلينا البطل هو اللى جاى من برا، ونعمله أنا، ومنى زكى قالتلى انت الدور ده مش بتاعك، ولا شكلك ينفع، ولا لغة تنفع، وفكرة إنك تكون بتعمل شخصية مصرى أمريكانى عايش فى أمريكا صعب للغاية، انت متربى من صغرك هناك، ولازم تبقى اتأقلمت لدرجة انك بتفكر بالطريقة الأمريكى».

واستكمل أنه لم يعش من قبل فى الولايات المتحدة الأمريكية وكان الأمر صعبًا للغاية عليهم: «لو إحنا ندرك القيمة بتاعت القوة الناعمة هنعرف إن الحلم الأمريكى اتباع لنا واتباع لكل العالم بالقوة الناعمة».