أميرة بدر تهاجم بيومي فؤاد: إنتو يا جماعة مش شايفين اللي بيحصل في غزة؟

طالبت الإعلامية أميرة بدر الفنان بيومي فؤاد بتوضيح ما قصده بقوله إن الفنان محمد سلام أخطا في حق فنه، بسبب الطريقة التي أعلن بها انسحابه من مسرحية "زواج اصطناعي" التي عرضت في موسم الرياض، تضامنا مع أهالي غزة.

وقالت أميرة بدر خلال تقديمها برنامج "ملفات" المذاع عبر قناة هي: "تعودنا من زمان لما يبقى لك جار عنده عزاء أو تعب أو أزمة، أو دمار وانهيار شامل في كل حاجة، الطبيعي لو عندك فرح تداريه أو تلغيه، لكن اللي بيحصل غير طبيعي وغير منطقي بالمرة".

وأضافت: "بيومي فؤاد ممثل شاطر ومحترف وموهوب، وإحنا كلنا نقف مع القوة الناعمة ونحترمها جدا، لكن عندي سؤال حضرتك بتقول محمد سلام غلط في الفن، هو غلط في الفن في إيه؟".

وتابعت: "عندي سؤال ثاني، إنتو يا جماعة مش شايفين اللي بيحصل في قطاع غزة؟ وليه بتتعاملوا على إنه حاجة عادية؟ وهو مجازر حقيقية وإبادة جماعية وأطفالنا بتموت تحت التراب بأسلحة محرمة دوليا".