أنا ست لساني طويل.. بدرية طلبة تحرج متابع بعد موقفها مع الفتاة الإسرائيلية

تصدرت الفنانة بدرية طلبة، في الساعات الأخيرة الماضية مؤشرات البحث على مواقع السوشيال ميديا، بسبب موقفها من الاعلامية الصهيونية التي دعتها إلي تل أبيب للمشاركة في اليوم الوطني الإسرائيلي.

 يا أبو العُريف فكر وبعدين أتكلم و أنا ست لساني طويل... رد بدرية طلبة على نقد موقفها مع الفتاة الإسرائيلية

خرجت الفنانة بدرية طلبة عن صمتها، وعلقت على المنتقدين لها، فيما يتعلق بالشات الذي نشرته بأن هناك سيدة إسرائيلية قد دعتها لحفل في إسرائيل ولكن بدرية طلبة قد أهانتها لذلك، قد كشفت عن ذلك بعد تعرض الفنانة أنغام للتهديد من أفيخاي أدرعي المتحدث الرسمي للجيش الإسرائيلي والتي شنت عليه حربًا كلامية…موقع بصراحة يرصد في السطور القادمة القصة الكاملة.

بدأت القصة، عندما قامت الفنانة بدرية طلبة بعمل بث مباشر عبر حسابها الرسمي على موقع تبادل الصور والفيديوهات "إنستجرام"، وذلك لترد على المنتقدين وقالت في البث:"السلام عليكم أزيكم أنا بس عايزة أقول كلمتين عشان لا هطلع في مداخلة مع حد ولا هجاوب على أسئلة حد، ده بالنسبة للسادة اللي بيتصلوا بيا عشان الاستفسار، بالنسبة للمشككين أنا قاعدة في أمان الله لاقيت على الواتساب الرقم أنا مش واخدة بالي مين اللي بيكلمني ولا في إيه، ومعرفتش الرقم ده منين إلا بعدها بيوم أو يومين". 

وأضافت:"لاقيت واحدة زي ما أنتوا شايفين في الشات بتقولي أنهم عايزيني في حفلة رديت وقولت أشوف للآخر يمكن حد عامل مقلب زي ما بيقولوا، بس أيًا كان أنا رديت باللي يمليه عليا ضميري من ناحية الناس دول ومن ناحية بلدي، يعني أنا ست وطنية ومحدش يشكك في ده نهائي يعني الحمدلله مش محتاجة أني أطبل لبلدي لأن دي بلدي اللي عايشة فيها واللي محمية فيها وبمثل اسمها في أي دولة بروح فيها برا". 

بدرية طلبة تنفي فبركة القصة 

وتابعت:" على فكرة اللي أنا عملته ده غلط عليا أني أنزل شات لأن أنا بسافر دول ببقى ماشية ممكن جنبي حد إسرائيلي، بس أنا محتفظة به من شهر 3، وكاتبة لي الحفلة 25 إبريل 2023، أنا منزلة الشات لسبب بعد 7 شهور لما لاقيتهم، بيتطاولوا على الأستاذة الفنانة الميجا ستار صوت مصر أنغام، وأنتوا بتتطاولوا عليها وبتهددوها وبتقولوا إحنا هنبيدكم زي ما أبادنا الفلسطينيين، ده أنتوا أهو جيتوا لي عايزني أروح حفلة وأنا ظبطتكم وده الهدف من أني أحط الشات اللي عندي موجود عندي من 7 شهور".

وأردفت "طلبة":"واللي بيشكك عشان مكتوب اليوم لأن أنا عملت أسكرين في نفس اليوم اللي رديت فيه يا أبو المفهومية يا أبو العُريف فكر وبعدين أتكلم، والرقم عند حضراتكم موجود، لكن أنا اكتشفت أن فعلًا من نفس المكان طيب أنتوا بتشتغلوني ليه وكمان برقمكم، أنتوا عيب عليكم أنكم تدخلوا برقمكم تكلموا فنانة مصرية وتديكم على دماغكم وهو ده المقصود، وأنتوا عارفيني ماشية بمبدأ أنا وأخويا على ابن عمي وأنا وابن عمي إلى الغريب لكن واضح أن اللي مش عاجبك الموضوع وواخده على صدره أوي أنت واطي دي بتاعتك أنت مش حابب أن يكون المصرية زيها زيك دمها دمك وتكون جدع فـ دي بتاعتك، أنا معروف عني". 

بدرية طلبة و محمد صلاح 

و أستكملت:"أنا لا محمد صلاح والنبي أطلع قولي إيه ولا محمد رمضان اللي بقى تبارك الله عالمي هو ومحمد صلاح، أنا ممثلة مصرية حصل معايا موقف لاقيت زميلة كبيرة مينفعش أن حد يدخل يتطاول عليها من الأشكال بتاعتهم، فدخلت وقولت لهم لأ عندكم أنتوا بتكلموا الأستاذة وهي فعلًا الأستاذة حتى لو هي أصغر مني في السن هي أستاذة وميجا ستار وكبيرة أوي وكلنا بنفتخر بها أنتوا داخلين تقولوا لها كده طيب تعالوا ليا كده أنا ممثلة على قدي طلبتوني أني أروح عندكم حتى لو بيشتغلوني وأنا شتمتكم يعني حاولت أوريهم أن أنتوا ولا حاجة". 

رد بدرية طلبة على الفبركة

وعن فكرة صحة الشات الذي عرضته عن الفتاة الإسرائيلية، أكدت "بدرية"  صحة الشات ونفت ما يقال حول أنه مفبرك، وقالت:"أنا اللي عملت لها بلوك بعد ما ظبطتها، وبعدين ده لو متفبرك أنا مش هطلع نفسي على المسرح قدامكم لأن أنا ست لساني طويل، ده اللي حصل ومش هرد على حد".