‎كوكا يواصل دعمه للقضية الفلسطينية برسالة نارية

يواصل أحمد حسن كوكا، نجم منتخب مصر وبنديك سبور التركي، دعمه للشعب الفلسطيني، ضد الكيان الصهيوني الغاشم، حيث يرتكب الاحتلال الإسرائيلي من مجازر بحق الفلسطينيين الأبرياء في قطاع غزة.

وجاءت رسالة كوكا، مطالبًا الدول العربية بالاتحاد أمام العدو الإسرائيلي، حيث خاض اللاعب المصري المحترف في صفوف فريق وبنديك سبور التركي مباراة أمام كونيا سبور، وحقق فريقه أول في فوز في تاريخه بالدوري التركي.

وشارك كوكا أساسيا في فوز فريقه 2-1 على كونيا سبور في الجولة التاسعة من المسابقة.

وقبل بداية المباراة لفت جمهور كونيا سبور الأنظار بلافتة ضخمة كُتب فيها "نلتزم الصمت عندما ينام الأطفال لا عندما يُقتلون" كما هتفوا "الحرية لفلسطين".

وظهر كوكا في أرض الملعب بالكوفية الفلسطينية قبل بداية اللقاء.

وعقب المباراة كتب كوكا رسالة عبر صفحته الرسمية على موقع التواصل الاجتماعي «فيسبوك» قائلا: «بنصحى كل يوم نروح شغلنا مُجبرين عشان أهالينا  وأولادنا اللي مسؤولين عنهم وقلوبنا فيها ألم ووجع علي أحبابنا وأخواتنا في فلسطين ، في كل ثانية بتمر خبر جديد أبشع من اللي قبله ، بنتصور إن خلاص مفيش أوحش من كده ممكن يحصل ، بس مابنستناش كتير ونلاقي اللي أبشع منه، اعتقد إن بعد ما قصفت إسرائيل المستشفى والمدرسة والكنيسة وكل شيء محرم ، ضاربة بالقوانين الدولية عرض الحائط ، بدأت بعض الناس تستوعب إن ليس لديهم قلب و لا رحمه.. بدأت تتغير الأراء ، لإن بجد صعب جداً إن يقف شخص في صف كل الشيطانية دي.
‎أب بيشيل عياله او أعضاء من عياله في كيس بلاستيك، اجسام من غير رؤوس، كل الوحشية دي ولسه مفيش حاجه توقفهم لحد اللحظة دي وبرغم قساوة كل اللي فات ، ولسه كتير من المجتمع الغربي لا يستنكر أصلا الي بيحصل.
‎خلاص كلام بلغتهم مالوش لازمة عشان كل حاجه واضحة.. ليه احنا كعرب مانتحدش ؟ انتم متخيلين قوة كل دولة عربية ؟ انتم متخيلين لو كل الدول العربية تصدو لأي عدوان علي أي دولة عربيه؟ ممكن تكون فيه أبعاد سياسية تانية أنا مش فاهمها، و ممكن كمان يكون تخيلي دا قاصر  لكن اللي أعرفه إن الاتحاد قوة، والقوي هو اللي بيتعمل له حساب».