خالد أبوبكر مهاجما أكمل قرطام بعد طلبه تأجيل الانتخابات الرئاسية: مكانك في مستشفى المجانين مش في عالم السياسة

هاجم الإعلامى خالد أبو بكر ، أكمل قرطام رئيس حزب المحافظين، على تصريحاته بإلغاء الدستور وتأجيل الانتخابات الرئاسية ، قائلا “ الراجل ده بيتكلم كده إزاى ده كلام مجانين.. أنت مكانك مستشفى المجانين .. إزاى فى حزب موجود فى مصر يطلع حاجة بالشكل ده دى مخالفة صارخة للقانون”، متابعا " ما صدقنا المعارضة الوطنية بدأت تظهر وتلقى احتراما وتقدير.

وواصل أبوبكر انتقاده قائلا "ده عقل أمشى وراه، وتابع انا بتكلم عن الموقف ده لو أكمل قرطام جاني قبل كده وقالي الكلام ده انا معتر ض على السياسات هوافقك لكن تقولي الغي الدستور انت مين علشان تتجرأ على إرادة الشعب المصري وازاي الحزب يوافق على كده. لما جميله إسماعيل حزبها قالها متترشحيش  التزمت بقرار حزبها.

وأكمل أبوبكر ألغي القانون ألغي الدستور انت إزاي بقيت رئيس حزب هي قضية فلوس يعني انا لو معايا شوية فلوس أعمل حزب بكره الصبح علشان الغي الدستور واعمل حكومة مدنية، وتابع هغيب عقلى 3 دقايق وهمشي معاك انا الدستور بيحتم عليا اجري الانتحابات في وقت معين ولما أوافق على كلام سيادتك بكره هنعمل ايه اللي يلحق يروح الاتحادية يحكم ايه المعيار للحكم الناس اللي صوتها عالي تروح تحكم ،انت كده مش معارض انت مكانك كده في مستشفى المجانين