المخرج كريم العدل يهاجم محمد صلاح: سعيكم مشكور .. متتكلمش تاني

هاجم المخرج كريم العدل، محمد صلاح لاعب نادي ليفربول، بعد الفيديو الذي نشره ووجه من خلاله رسالة دعم للشعب الفلسطيني.

وكتب المخرج كريم العدل عبر حسابه الرسمي بموقع تبادل الصور والفيديوهات “انستجرام”: "لازم تبقى فاهم أن احنا لما كنا بنقول لك اطلع اتكلم مكناش عايزينك تتكلم علشان تقول لهم أنك تدين وتشجب ماكناش عايزين تقولهم أنه صعبان عليك الأطفال ومكناش عايزينك تتكلم علشان تريحنا وخلاص".

وأضاف: "احنا كنا عايزينك تقول بالفم المليان أنا بدعم الشعب الفلسطيني ضد دولة الاحتلال قاتلة الأطفال تقول أن في ابادة جماعية بتحصل لشعب فلسطين تقول أن قطع المياة والكهرباء والاكل وكل اللي بيحصل دة جرايم حرب كنا عايزينك تتكلم وانت ماسك علم فلسطين".

وتابع " اقولك بلاش كل دة كان كل طموحنا أنك تحط علم فلسطين في profile picture على كل وسائل التواصل الاجتماعي علشان يشوفوها ال60 مليون فلوراللي عندك زي عمرو دياب مثلا ما هو مطلعش اتكلم ولا كتب حاجة بس حاطط علم فلسطين منور على حساباته على السوشيال ميديا".

واختتم :"وعموما شكر الله سعيكم يا سيدي ومتقولش حاجة تاني بقى".
.