انفوجراف| 38 دقيقة إنعاش وشقيقته لقنته الشهادة.. تفاصيل اللحظات الأخيرة في حياة أحمد سامي العدل

حالة من الحزن تخيم على الوسط الفني، بعد وفاة المخرج الشاب أحمد سامي العدل بشكل مفاجئ، نجل الفنان الراحل، أمس السبت 30 سبتمبر.

وبكلمات مؤثرة، كشفت شقيقته رشا سامي العدل، تفاصيل اللحظات الأخيرة في حياته، وذلك من خلال صورة تجمعهما عبر حسابها الرسمي بموقع التواصل الاجتماعي "فيسبوك".

تفاصيل اللحظات الأخيرة في حياة أحمد سامي العدل

وكتبت رشا سامي العدل: قاعدين على البحر في دهب في ساعة غروب بنضحك وبنعيط سوا ونشتكي لبعض قد إيه أبونا وحشنا وقد إيه الحياة من غيره صعبة فضفضنا لبعض ووعدنا بعض بحاجات كتير.

وأضافت: رجع القاهرة على وعد بلقاء قريب نتجمع فيه تاني، وجيه اللقاء بعد مكالمة تليفون الحقي أخوكي تعبان في المستشفى جريت عليه لقيت التعب والألم زايدين على عمره عمرين مش عارف يتنفس وكلامه بصعوبة، قعدت أكلمه وأضحكه وأحاول أهون عليه شوية واسيبه يرتاح شوية.

38 دقيقة إنعاش وشقيقته لقنته الشهادة

وتابعت: وفي عز محاولاتي نقله لمستشفى تانية فقد نبض قلبه لثواني قدامي، اتخضيت الدكاترة طمنوني وقالوا مفيش حاجة أهو زي الفل، بس قلبي وجعني ولقيتني بقول له عايزاك تسبح وتقول الشهادة معايا وتفضل تقول كل القرآن اللي أنت حافظه، يا دوبك لفيت ظهري ولسة هاخرج اشوف موضوع الإسعاف ونقله.

واختتمت: لقيت دكاترة وممرضين في كل حتة حوالين أحمد بيحاولوا ينعشوه 38 دقيقة على الساعة محاولات وأنا واقفة قدامه قلبي بيتقطع وروحي أنا بتطلع مني ماسكة في خيط أمل من الدخان اتقطع بـ آخر نفس منه وراح أحمد، أخويا الصغير الطيب الحنين الهادي.