السلف علشان خاطر عيون بلدنا.. أبرز تصريحات الرئيس السيسي في مؤتمر «حكاية وطن»
![الرئيس السيسي الرئيس السيسي](https://media.besraha.com/2023/9/large/1736123079193202309300614241424.jpg)
قال الرئيس عبد الفتاح السيسي خلال مشاركته في جلسة الطاقة بمؤتمر حكاية وطن أن الأزمة في الكهرباء لم تكن في الإنتاج فقط ولكن في النقل وعمل محطات تحكم علشان تقدر تقول عندك شبكة كهرباء مستقرة بشكل كامل.
وكشف الرئيس أن المهندس طارق الملا وزير البترول والمهندس شاكر وزير الكهرباء طلبا شبكة استثمارات ب 2 تريليون طيب منين، يبقى لازم يتعمل بالسلف.
وتابع الرئيس هو السلف علشان خاطر عيون المهندس طارق ولا خاطر عيون الدكتور شاكر، متابعا علشان خاطر عيون بلدنا يبقى البلد كلها لازم تقف علشان تسدد ديونها.
وأضاف الرئيس أن وزير الكهرباء بيبعتلي شهريا تقرير عن حجم سرقات الكهرباء في مصر من يوم توليه في 2014 والتي بلغت مليون حادثة كل شهر ، مشيرا إلى أن الكهربءء بيدفع ربع تمنها و الناس مش عايزه تدفع.
وقال الرئيس السيسي في نهاية كلمته ممازحا إن الدكتور شاكر مش عايز يدي فلوس للمهندس طارق، وزير البترول بيرفض يديله غاز فالمحطات متشتغلش فانتوا متلقوش كهربا فتقولوا الحكومة نايمة.