إنجي المقدم: عندي تروما من خناقات أمي وأبويا .. واتعرضت للتنمر | فيديو
![إنجي المقدم إنجي المقدم](https://media.besraha.com/2023/9/large/1731192581132020230927095105515.jpg)
كشفت الفنانة إنجي المقدم عن الكثير من مخاوفها الشخصية، وتفاصيل من حياتها الخاصة، وذلك خلال لقائها في برنامج "THE YOU IN HUMAN" المذاع عبر "يوتيوب".
وقالت إنجي المقدم :" أنا عندي خوف من حاجات كتير أوي، عايشة بخوف، بخاف من المجهول والمستقبل والطيارة وبخاف على ولادي جدا، وده بسبب كذا تروما حصلت لي وأنا صغيرة، زي مثلا أن أخويا توفى قدامي وهو سنتين ونص وأنا كان عندي 6 سنين، ودي كانت صدمة".
إنجي المقدم تكشف عن مخاوفها
وتابعت: "أهلي ماكنوش عايزين يبينوا لي أي حاجة، وبيمثلوا أنهم كويسين بس أنا كنت حاسة بحزن أمي.. وأنا وأخويا كنا بنام في أوضة واحدة عشان أعرف أنام كنت بتخيل ده محصلش وهما بيدفنوه الراجل لقيه صاحي بعد ما كل الناس مشيت وخده ورباه ولما نكبر هنتقابل تاني، فيلم عربي بس عشان أعرف أنام".
وأضافت: "وكان عندي تروما من خناقات أمي وأبويا مع بعض، من كتر صوتهم كنت بقفل وداني، وطلاقهم وأنا عندي 14 سنة، وحصلي تنمر وأنا صغيرة في النادي والمدرسة كتير أوي في الوقت اللي حصل فيه الطلاق".