الست أصل النكد.. تصريحات نجلاء بدر عن علاقة الرجل والمرأة تثير الجدل

أثارت تصريحات الفنانة نجلاء بدر جدلا واسعا عبر وسائل التواصل الاجتماعي، خلا إحدى المقابلات الصحفية، فقد أعربت عن رأيها في نقاط قوة المرأة و الاختلافات بين الجنسين.

تصريحات الفنانة نجلاء بدر

• بقالي فترة متعاكستش.. والســت الحلوة معاها شهادة مرور
• الست الحلوة بيتغفر لها أي حاجة وبتأخد حقها من غير خناق
• مبحبش الراجل العصبي والبخيل واللي دمه مش خفيف
• الستات خزان أحزان بيفتكروا حاجات حصلت من سنة 1990
• الراجل فرفوش والست هي اللي نكدية ولما بتفتح مبتقفلش
• ستات المناطق الشعبية ستات قادرة وبـ 100 راجل

شاركت الفنانة نجلاء بدر جمهورها ومتابعينها، بأرائها عن الاختلافات بين الرجل والمرأة، وقد كشفت نقاط القوة في شخصية المرأة و كيف تكون في بعض المواقف أوي من الرجل.

وتحدثت:"بالنسبة لمين اللي نكدي؟..أه فعلا الست هي اللي نكدية ، علشان إحنا مخزون مشاعر فدايما هي عندها مرجعية للذاكرة، بتخزن عارفة الجمل، بتخزن الأحزان هي لما بتفتح ما بتقفلش هي بتستدعى دايما النكد بصراحة، الراجل ما بيحبش يوقف عند النكد هو الراجل فرفوش أكتر مننا وما بيحبش المشاكل وما بيحبش حد يحاسبه أو يعاتبه".

وأضافت:"بقالي فترة متعاكستش.. والســت الحلوة معاها شهادة مرور واللي في المناطق الشعبية ستات قادرة وبـ 100 راجل أي حد يدوسلهم على طرف يرفعوله الشبشب".

وأردفت: الست الحلوة بتأخد حقها من غير خناق .. يعني تدخل مطعم ألف مين يجبلها كرسي.. ولو واقف في طابور الكل بيعزم عليها حتى الستات بيعملوا لها حساب

نجلاء بدر و مسلسل تلت التلاتة

ومن ناحية أخرى، يذكر أن أخر عمل قد ظهرت فيه بدر كان مسلسل" تلت التلاتة"عام 2023، المسلسل تدور قصته في إطار درامي، يتناول العمل قصة ثلاث أخوات توأم تعمل كل منهن في مهنة مختلفة، وتدور بينهن العديد من الأحداث المثيرة، المسلسل من بطولة غادة عبد الرازق، ماجد المصري، محمد القس، مصطفى درويش، صلاح عبدلله ومي سليم، العمل من تأليف هبة الحسيني، ومن إخراج حسن صالح.