ميدو عادل: سوسن بدر فتاة أحلامي.. ومش هقدم السيرة الذاتية لمحمد صلاح

كشف الفنان محمد عادل الشهير بـ"ميدو عادل"، حقيقة تقديمه السيرة الذاتية للاعب كرة القدم المصري محمد صلاح، مشيرًا إلى أن المقارنة بينهم ليست صحيحة، ولا يوجد تشابه بينهم نهائيًا.

ميديو عادل يكشف موقفه من تقديم السيرة الذاتية لمحمد صلاح

وقال ميدو عادل في تصريحات تلفزيونية: "مفيش شبه بيني وبين محمد صلاح خالص في الملامح والناس ربطت شخصيتي بفخر العرب من ناحية إننا شبه بعض من ناحية الضحكة وطريقة الكلام، أنا شايف محمد صلاح مسيرة لم تكتمل ولسه نجحاته مستمرة مش بتخلص سيبوه في حالة شايف إنا احنا عندنا جوهرة أتمنى نحافظ عليها على قدر الإمكان".

بدايته الفنية

وأضاف: "أنا دخلت الفن وبدأت تمثيل وأنا عمري 3 سنين وعملت أعمال كتيرة على مر 34 سنة وبتمنى أموت وأنا على خشبة المسرح خلال تقديمي لعمل بحبه، العمل عبادة وشغلتي أكتر شغلانة بحبها في الدنيا وكون إني أموت وأنا شغال دي حاجة مش عيبة".

وواصل: "أنا الولد الوحيد وعندي أختين، وأنا ابن أمي في تربيتها ليا واللي زرعته فيا علمتني أحترام أخواتي البنات في علاقتهم وسريتهم وحياتهم الشخصية، وبشوف جيل التمانينات اتظلم واتفرم على ما وعينا بدأ يتشكل المجتمع اتغير، لكن الفن مهنة صعبة وممتعة للي بيحبها عشان كده مستمر فيها رغم المتاعب، والسؤال اللي دايما بيتوجه ليا هو أنا وأنت صغير كنت ايه، برد دايما كنت ماسك في إيديها في كل حتة وببقى مبسوط".

فتاة أحلامه

وآثار الجدل بتصريحه عن فتاة أحلامه قائلًا: : سوسن بدر حالة فنية غريبة ونجمة كبيرة وتحترم الجميع واتعلمت منها كتير على المستوى الانساني قبل المهني.

وعن حبه الشديد لسيد درويش قال ميدو عادل: أنا متيم بحب الراحل سيد درويش وبقدم شخصيته من 3 سنين ولكن السنة دي المسرحية أعجبت ناس كتير ولاقت اهتمام واسع بسبب مرور 100 سنة على رحيله وده حدث مش هيتكرر مرة تانية لإني بشوفه حالة فنية لن تتكرر مرة آخرى وعايش حتى الآن، سيد درويش رغم وفاته بعمر صغير وهو في سن الـ31 لكن ساب تأثير كبير في قلوبنا ودي عبقرية بكل المقاييس.
وأشار محمد عادل إلى أنه يحب اسم الشهرة "ميدو"، قائلًا: بحب اسم الشهرة عشان بيرتبط بالشارع اللي اتربيت فيه وبأهلي.