بالفيديو.. 13 واحد كانوا معاه وكلهم ماتوا.. قصة الناجي الوحيد من إعصار دانيال في ليبيا

كشف عبد الله، الناجي الوحيد من إعصار دانيال بليبيا، تفاصيل اللحظات الأخيرة التي عاشها خلال إعصار دانيال، قائلا:"كان معايا 13 واحد في البيت وكلهم ماتوا في اللحظة الأخيرة، كانوا بيموتوا قدامي ومقدرتش انقذهم".

الناجي الوحيد من إعصار دانيال: كان معايا 13 واحد ماتوا قدام عيني

الناجي الوحيد من إعصار ليبيا

وقال عبد الله، خلال تصريحات لموقع بصراحة، :"قبيلتي كانت عايشة جنب الجبل ده كان في عيون مايه ومناظر خلابة كلها انهارت واتحولت لدمار بسبب الإعصار، وفجأة حياتهم اتدمرت".

الناجي الوحيد من إعصار ليبيا: كل حاجة اتدمرت قدام عيني

وتابع:"دلوقتي اللي عايشين كل أملهم انهم يلاقوا جثث عيالهم، هما مش عارفين عايشين ولا لا، بيدعوا إن ربنا يخرجهم من الظلمات كما أخرج يونس من بطن الحوت".

واستكمل:"في مصريين كتير ماتوا بسبب الإعصار في ليبيا، رغم انهم مسافرين يدوروا على شغل واتحملوا الغربة عشان لقمة العيش لكن اجتمعت عليهم الغربة والموت وبدل ما يرجعوا لأهلهم بالهدايا رجعوا جثث في أكفان".

وفي السياق ذاته، أوضح الطفل الوحيد الناجي من إعصار ليبيا، تفاصيل نجاته، :"فجأة لقينا سيول وعائلتي كلها كانت بتطاير في الهواء قدامي".

وروى الطفل لحظات إنقاذه من الإعصار، :"الإعصار اجتاح بيتي في منطقة الوردية في درنة الليبية وقذف بجسدي الصغير صعودا وهبوطا، وكأنه يصف مقطعا من فيلم".

ودعت منظمة الصحة العالمية إلى عدم دفن ضحايا الفيضانات في مقابر جماعية، موضحة أن هذا الأمر قد يتسبب في مشكلات نفسية طويلة الأمد للعائلات، أو قد يحدث مخاطر صحية، خاصة إذا كانت الجثث مدفونة بالقرب من المياه العذبة.