المنتج محمد حفظي: لازم الأفلام تنزل في السنة كلها مش مرة واحدة عشان نبقى نتفوق |خاص

كشف المنتج وكاتب السيناريو محمد حفظي، تفاصيل فيلم ڤوي! ڤوي! ڤوي، لافتًا إلى أن فريق العمل بأكلمه بذلوا جهدًا كبيرًا في ذلك العمل، وكان التعاون بينهم بقلب واحد وروح واحدة، ويتوقع للعمل أن يحقق نجاحات كبيرة.

محمد حفظي عن فيلم ڤوي! ڤوي! ڤوي

وقال حفظي في تصريح خاص لـ"بصراحة": المؤلف عمر هلال تناول الموضوع بزاوية مختلفة وأبهرني حقيقي هو سينمائي جدًا وكان تعامله في اللوكيش وحسسني أنه بيعمل أفلام كتيرة جدًا رغم إن ده أول فيلم ليه ، ومش دايما كل مخرجين الإعلانات لما بينتقلوا من الاعلانات للسينما بيعملوا شغل مش بس بصري حلو لا ده بيبقى فيه تناول للموضوع بشكل سلس وجاد جدًا وانساني بنفس الوقت فده اللي شجعني انتج العمل، بجانب الممثلين اللي فيه.

تفاصيل فيلم ڤوي! ڤوي! ڤوي

وأضاف: كان فيه روح فريق واحد رغم أن الفيلم اتصور في 3 دول مصر ولبنان ورومانيا، وفريق العمل فيه كرو من بره مصر وجوه مصر، لكن كلنا كنا متوحدين وروح واحدة.

وعن منافسات موسم الصيف، قال حفظي: لو عايزين نبقى متفوقين في الانتاج السينمائي، لازم الأفلام تنزل في السنة كلها مش في فترة واحدة، ونيللي كريم متناولة الدور بشكل مختلف واي دور بتقدمه بتكون منفرده فيه وتناولها بسيط جدًا ةسهل أوي التعاطف معاها، وهى بتضيف لاي دور بتقدمه، ودور فراج أكتر دور بردوا محرك للأحداث، حتى اللي عاملين أدوار صغيرة.

أبطال فيلم ڤوي! ڤوي! ڤوي

جديرًا بالذكر شارك في بطولة فيلم ڤوي! ڤوي! ڤوي العديد من نجوم الفن، أبرزهم: محمد فراج، نيللي كريم، بيومي فؤاد، طه دسوقي، والعمل من تأليف وإخراج عمر هلال.