ريم طارق تهاجم حسن شاكوش: لما خدت حاجتي قالي إنتي خدتي معاكي النسكافيه والشاي

كشفت ريم طارق، مفاجات عن أزمتها مع طليقها مؤدي المهرجانات، حسن شاكوش، حيث قالت إن شاكوش خدعها وأجبرها على الاعتذار في الفيديو.

وقالت ريم، خلال لقائها مع الإعلامية بسمة وهبة، ببرنامج"90 دقيقة"، المذاع على قناة"المحور"، :"شاكوش خدعني وفضحني وشهر بيا وداس على كرامتي بالجزمة، قالي اعملي الفيديو وهديكي حقوقك كلها بعد الاعتذار وبعدها قالي كنت بضحك عليكي".

وتابعت:"تاني يوم ما اخدت حاجتي شاكوش اتصل بيا وقالي انتي خدتي النسكافية والشاي، كان عايز يوقعني في الغلط كنت بلاقي بنات بتلبس قمصان النوم بتاعتي اللي في أوضة نومي ويتصوروا بيها وحاجتي اللي اتلبست ملقتهاش".

ريم طارق: شاكوش ضحك عليا

واستكملت:"طلبت من شاكوش 600 ألف جنيه حقي قال لا هما 400 ألف بس ووافقت، ولحد دلوقتي مدفعهمش وكان لابس البيجامة بتاعتي في الفيديو اللي نزله وهاخد حقي بالقانون".

أهل الخير سبب فيديوهات اعتذاري لشاكوش

أما عن فيديوهات الاعتذار، أوضحت ريم:"أهل الخير طلبوا مني إني أنفي كلامي عن حسن شاكوش بخصوص أسباب الطلاق... فرفضت... وقلت إن عندي أدلة ورفعت دعوى قضائية ومش هتنازل عنها....بعد كدا طلبوا مني أن أظهر في مقطع فيديو وأقول إنه شخص محترم".

وأضافت:"عملت الفيديو عشان أنا انسانة كويسة، وقالت أنه محترم رغم اني كنت ممكن أظهر بالأدلة اللي معايا ضده، كنت أتمنى اخد هدومي لأنها غالية، وبعدين أنا طلبت من حسن شاكوش 600 ألف جنيه حقي.... قال لا هما 400 ألف بس ووافقت.... ولغاية دلوقتي مدفعهمش.....وكان لابس البيجامة بتاعتي في الفيديو اللي نزله.... وهاخد حقي قانوني".

وأكدت ريم أنه لم يحدث صلح بينها وبين شاكوش، :"كل اللي حصل كان فيلم ولعبة عليا عشان السوشيال ميديا والإعلاميين يهاجموني، محدش عارف أنا اتعرضت لايه عشان اعمل الفيديو ده، وكل حاجة اتكلمت فيها قبل كده كانت بدليل، وكل حاجة معايا".