تصريحات صادمة من ريم طارق.. وهجوم شرس على شاكوش بعد فشل محاولة الصلح: كان لابس البيجامة بتاعتي.. وكنت بلاقي بنات بتلبس قمصان النوم بتاعتي

كشفت ريم طارق، طليقة مؤدي المهرجانات حسن شاكوش، عن مفاجآت جديدة تخص أزمتها مع طليقها، التي أثيرت منذ أيام.

تصريحات ريم طارق اليوم
وقالت ريم طارق خلال لقاء لها ببرنامج 90 دقيقة مع الإعلامية بسمة وهبة: حسن شاكوش كان عايز يوقعني في الغلط.. كنت بلاقي بنات بتلبس قمصان النوم بتاعتي اللي في أوضة نومي ويتصوروا بيها وحاجتي اللي اتلبست ملقتهاش.

وتابعت: طلبت من حسن شاكوش 600 ألف جنيه حقي قال لا هما 400 ألف بس ووافقت، ولغاية دلوقتي مدفعهمش، وكان لابس البيجامة بتاعتي في الفيديو اللي نزله، وهاخد حقي قانوني.

وسبق وأن كشفت ريم طارق، طليقة حسن شاكوش، أنه تم إجبارها على تسجيل مقطع فيديو تعلن فيه الصلح مع طليقها من أجل الحصول على أغراضها في منزل الزوجية.