يمر نادي الزمالك الفترة الأخيرة بأزمات عديدة مع مديره الرياضي جون إدوارد ،كانت أبرزها أزمة صلاح مصدق وفسخ تعاقده مع نادي الزمالك .
تصريحات شوبير
وقال شوبير في تفاصيل الأزمة أن : “الزمالك بيحاول يعمل تسويات مع صلاح مصدق بعد ما فسخ عقده، وعاوزين يدوله مستحقاته المتأخرة بس من غير قيمة العقد كاملة”
وأكد أن:" اللوائح في صف اللاعب، ماينفعش تعتمدوا على إن اللاعب يعملكم جميل
وتساءل : ليه ماخدتوش خطواتكم صح من البداية وسددتوله وهو بيلعب؟
تصريحات ميدو
وصرح ميدو في نفس الصدد :عشان تتجنب السلبيات والمشاكل اللي كانت بتحصلك قبل كدة، هل معقول ان لما الزمالك يبقى فيه مدير رياضي محترف ان لاعب زي صلاح مصدق يجيله عرض من الوداد اعارة بأحقية الشراء في بداية الموسم وعقده شغال وتقدر ترجع فلوسك اللي انت دفعتها بالمليم ويتم تجاهل العرض واللعيب بعد كده يعمل انذار ومحدش يناقشه في الانذار وتستنى لما مهلة الاسبوعين بتوع الانذار يخلصوا واللاعب يفسخ عقده ويبقى فري وتضطر انك تدفع له عقده بالكامل ويمشي ببلاش .. هل ده ليه علاقة بالمشكلة المالية اللي بيواجهها الزمالك؟
هل لو كان فيه فلوس جوه الزمالك كانت الأخطاء دي مش هتحصل .. مينفعش ندفن راسنا في الرمل وتبقى الناس مش عايزة حد يتكلم
بلقشور يوضح في تصريحات إذاعية عدم شكوي نادي الزمالك :
وفي سياق متصل في وقت سابق أوضح بلقشور في تصريحات إذاعية أن قرار النادي بعدم اللجوء إلى الشكوى جاء بعد اتصال مباشر من حسين لبيب، رئيس نادي الزمالك، الذي قدّم اعتذارًا رسميًا عن التأخير في سداد المبلغ المتبقي، ووعد بتسويته في أقرب وقت ممكن، وهو ما دفع إدارة نهضة الزمامرة إلى التحلي بالصبر وانتظار التزام النادي الأبيض بوعده دون المطالبة وشكوي الزمالك بالمستحقات المتأخرة من صفقة اللاعب .