كانت بتصرف عليه وخد كل فلوسها وهرب.. أكبر منه بـ 40 سنة.. كنت فاكره بيحبني طلع بيحب فلوسي.. سيدة بريطانية مسنة تكشف كيف نصب عليها زوجها المصري

قالت المسنة البريطانية، إيريس جونز، إنها تعرضت للنصب من زوجها المصري، :"جوازة مصلحة وضحك عليا رغم اني أكبر منه بـ 40 سنة".

وروت إيريس التفاصيل، خلال مقطع فيديو تم تداوله على السوشيال ميديا، :"أول مرة محمد راسلها فيها كان يوم 25 يونيو 2019.. وكان بيتكلموا على الماسنجر.. ووقتها حست انه شخص لطيف وبقوا أصدقاء.. وكلمها عن حياته الشخصية وانه اجبر على الجواز وخلف 4 أولاد".

وتابعت:"بدأ يلمحلي انه معجب بيا وقتها قولتله انا كبيرة في السن وعندي ولدين أكبر منك.. لكن محمد مستسلمش وفضل في كلام بينا،.. لحد ما قالي انه بيحبني وعايز يتجوزني في 10 يوليو 2019.. وبعدها سافرت للقاهرة عشان اقابله.. وكنت واخده معاها فلوس كتير.. ف خدهم مني وسدد بيهم ديونه".

واستكملت:"وبعدها سافرت بريطانيا ورجعت تاني عشان اخلص أوراق الجواز في السفارة البريطانية في مصر .. وفي شخص هناك حذرني منه .. لكن كنت حبيته ومهتمتش واتجوزنا في 2020

وأضافت أن في ذلك التوقيت كان معاها في البنك 40 ألف جنيه استرليني.. وهو خد منها البطاقة البنكية وبقى يسحب كل يوم ما يعادل 1000 جنيه مصري ويصرفهم على الأكل الجاهز والخروجات.. وهي كانت بتكدب على القريبين منها وبتقولهم انهم بيتقاسموا فلوس المعيشة.

وأشارت إلى أن بعد عودتها بريطانيا، اكتشفت أن حسابها البنكي لم تجد به سوى 9000 دولار بس،ايريس اتصدمت انه صرف كل الفلوس دي.. ومفيش بعدها بكام يوم ورجع محمد طلب منها 14 ألف جنيه إسترليني.. وهي عشان كانت بتحبه حولت له الفلوس.

وروت إيريس تفاصيل القصة، :"بعدها قرر محمد انه يقدم على تأشيرة زوجية وقدر بيها يجي بريطانيا وكان مسموحله يفضل سنتين.. وخلال السنتين دول اشتغل محمد في سوبر ماركت لكن رغم كده كان بيفضل يطلب منها فلوس برضوا .. وسحب منها ما يقارب 26 ألف جنيه استرليني".

ولما جه المرة اللي بعدها طلب فلوس تاني إيريس رفضت وحصل بينهم خلاف لما اكتشف انه مش هيورث منها حاجه ولا حتى البيت اللي عايشين فيه على البحر.. لأن أيريس كاتبه كل حاجه بأسم ولادها.

وبعدها طلبت منه إيريس انه يمشي ويسيبها .. ورغم انها كانت بتحبه جدًا لكن في النهاية أدركت انه كان بيخدعها وكان بيحب فلوسها مش أكتر .. وأصرت إيريس على الطلاق وده اللي حصل في 13 يونيو 2023.