كنت بعاملها بقسوة وهي صغيرة.. منى زكي تكشف سر خطير عن علاقتها بابنتها

اعتذرت الفنانة منى زكي، لابنتها على الهواء بسبب طريقة تربيتها لها، وقالت:"كنت بعاملها بقسوة أوي وكنت صارمة مع البنت أكتر من الولاد".

منى زكي: كنت صارمة أوي مع بنتي وسخيفة كمان

وقالت منى، خلال لقائها ببرنامج "كلام نواعم"، :"انا كنت سخيفة جدا لاني كنت صارمة أوي مع بنتي أكتر من الصبيان، لإنها كانت أول بنت ليا، وكنت صغيرة في السن ومتخيلة أن الصح صح وكل حاجة بنظام وفي عقاب".

وأضافت:"بعتذر ليها طول الوقت على سخافتي بعد كده اتعلمت أن اسمها مش عقاب اسمها عواقب، لازم طول الوقت تحاولي تفكريهم بالعواقب لو عملنا كذا هيحصل كذا".

منى زكي تكشف أسس التربية الإيجابية

وتابعت:"كلنا كأهالي اعصابنا بتفلت لكن برجع اعتذر ليها، ناس كتير فاهمة التربية الإيجابية غلط، مينفعش الولد يبجح في أهله ويبقى زيه زيهم، التربية الإيجابية إنك تديله ثقة ويبقى عارف إزاي يتعامل مع الناس وتكبري الحاجة الكويسة جوه لكن مش تدلعيه".