شبيه سفاح الجيزة.. شاب ينتحل شكل السفاح ورد فعل صادم على نزوله الشارع

أثار شبيه سفاح الجيزة الجدل على السوشيال ميديا، بعد ظهوره في شوارع مصر بعد عرض حلقات مسلسل سفاح الجيزة.

الشاب عبد الله قناوي، الشهير بـ شبيه سفاح الجيزة، حكي قصته خلال حوار خاص مع موقع بصراحة وقال، :"بيعمل مكياج شخصيات كتير لكن مفكرش يعمل مكياج شخصية السـفاح غير لما الناس لاحظوا الشبه اللي بينه وبين قذافي فراج".

شبيه سفاح الجيزة: من أول حلقة في المسلسل والناس بتشبه عليا

وأضاف قناوي، خلال تصريح خاص لموقع بصراحة، :"اول ما المسلسل اتعرض لقيت ناس كتير بتقولي انت شبه سفاح الجيزة جدا، ولما بمشي في الشارع بلاقي الناس بتبصلي نظرات غريبة ومكنتش عارف في ايه غير لما سالوني انت فيك شبه من قذافي فراج".

وتابع :"في الأول كنت بفتكر الناس بتهزر معايا وانهم يقصدوا قذافي اللي في ليبيا، لكن مكنتش اعرف أن المتهم الحقيقي في قضية سفاح الجيزة اسمه قذافي فراج، ولما لقيت اكتر من حد بيقول نفس الكلام قررت اعمل مكياج الشخصية دي".

شبيه سفاح الجيزة: الناس بيخافوا مني ويهربوا أول ما يشوفوني

واستكمل :"لما عملت المكياج واستغليت الشبه اللي بيني وبين سفاح الجيزة بقيت بعمل مقالب في الناس اللي ماشية في الشارع وفعلا بيصدقوا اني السفاح وبيخافوا ويهربوا مني".