فيفي عبده: ماله الرقص الشرقي؟ ده الأجانب بييجوا ياخدوا مني دروس

هاجمت الفنانة فيفي عبده منتقدي الرقص الشرقي، وذذلك خلال لقائها مع قناة "رؤيا مصر".

وقالت فيفي عبده: "الرقص الشرقي ليه القيمة بتاعته، دلوقتي أي حد عايز يتريق أو يقول كلمة بايخة أوي، يقولي إيه هتشتغلي رقاصة؟".

وتابعت: "يعني مالها الرقاصة؟ كمان الرقص الشرقي ده ليه قيمته، الأجانب كلها وفيه ناس متعلمين كبار جدا بييجوا ياخدوا دروس مني ومن نجوى وكل الناس اللي بيدربوا على الرقص الشرقي، بتتكلموا في إيه؟ أنا بتضايق أوي".

وكانت قد كشفت الفنانة فيفي عبده، أنها تذهب إلى الساحل الشمالي لقضاء عطلتها الصيفية منذ سنوات.

وقالت فيفي عبده، في تصريحاتها ببرنامج «رؤيا مصر»، على هامش حضورها مهرجان القاهرة للدراما: «أنا واحدة في الساحل من زمان جدًا، أيام ما كانت بتجري فيه العرس والفئران، وكان سعره بالنسبة لنا عادي وكان عادي بالنسبة لأي حد بيتعب بيشتغل، ودلوقتي أصبح جنة على الأرض».

الحالة الصحية لفيفي عبده

وعن حالتها الصحية حاليا قالت: «الحمدلله والله أنا زي الفل الحمدلله رب العالمين، انتوا بيتحبوني وبتاخفوا عليا زيادة بس، بحبكم أنا كمان وأكتر شوية كتر خيركم».

ومن جانب آخر ردت الفنانة فيفي عبده، على تصريحات المنتج أحمد الزواوي، بأنه هو من أجرى لها سحرًا، وسبب مرضها، مشيرة إلى أنها لا تحب أن تعلق على مثل تلك التفافهات.

وقالت فيفي عبده، خلال لقائها مع موقع “بصراحة”: الراجل اللي طلع وقال عملي سحر مش هنزل بمستوايا وأرد عليه.. أنا مبردش على كلام ملوش لازمة كل يوم والتاني يطلع عليا.

وأضافت: أوعوا حد اسمعه يقولي انتي كبرتي وبقى عندك 60 سنة لا أنا عندي 25 بس وبصحتي لسه.

في وقت سابق فتح المنتج أحمد الزواوي النار على الفنانة فيفي عبده معترفا بأنه المتسبب في متاعبها خلال الفترة الماضية، وذلك خلال لقائه في برنامج «قعدة ستات»، مع الإعلامية مروة صبري.

وقال أحمد الزواوي: «والله العظيم أنا سبب اللي فيفي عبده فيه دلوقتي، ولا أخشى في الله لومة لائم، ولا أخاف من حد نهائي لا بشر ولا غير بشر، إلا ربنا فقط».

وأضاف: «ربنا قال وما ظلمناهم ولكن كانوا أنفسهم يظلمون، وأنا طلبت حقي بالقانون والأصول، وبعدها آذيتها زي ما آذتني، ولو طولتها هموتها، عليها نص مليون جنيه بتوعي في 2017، كانوا كل ما أملك وتحويشة العمر، ضيعت مستقبلي».

وتابع: «في ناس بتقتل وأنا مقتلتش، أنا بتعامل بالقانون الإلهي الجزاء من جنس العمل، وعجزتها زي ما عجزتني».

كما كشفت الفنانة فيفي عبده عن سبب احتفائها، قائلة: اختفيت من فترة لأني كنت تعبانة وعملت عملية في العمود الفقري ودي كانت أول عملية أعملها في حياتي، وبعدها تخنت جدا ووصلت لـ 95 كيلو، متخيلين فيفي عبده بالوزن دا؟ واتكسفت أطلع لجمهوري بالمنظر دا إلا لما أخس، وأوحش حاجة على العمود الفقري هو التخن وأنا قفلت بوقي ومش هأكل إلا فاكهة ولما كنت تخينة كنت هضرب نفسي بالنار، وكنت هرقع بالصوت وياريت يعملوا تصريح ليا أضرب نفسي بالرصاص لأن لازم أعرف أنا بأكل كتير ليه؟