كلماته كانت خارجة من القلب.. المتحدث باسم الموسيقيين يمدح مصطفى كامل بعد نجاح حفلات جيل التسعينات بالسعودية

أعرب الدكتور محمد عبدالله المتحدث الرسمي باسم نقابة المهن الموسيقية عن سعادته البالغة بنجاح حفلات جيل التسعينات في المملكة العربية السعودية.

وقال الدكتور محمد عبدالله: احتفلت المملكه العربية السعودية بجيل التسعينيات وجابت أشهر النجوم في الوقت ده، واحلي أغاني في الوقت ده ، واكتشفنا ان معظم الأغاني اللي حبناها كانت من كلمات الشاعر مصطفي كامل!!.

وأضاف: لازم نقف شويه ونسأل ليه ؟! ليه الشاعر ده هو اللي ظهر في جيله ؟! ليه هو اللي نقل الاغنيه من مكان لمكان تاني .... وظهر علي ايديه ونجح المع النجوم اللي بتحتفل بيهم المملكة العربية السعودية حاليا.

وواصل: السر في القلب .. كلماته خرجت من قلبه ودخلت قلوبنا وعاشت جوانا ... رددناها من غير مانحس .... حول الكلام بتاعنا لاغنيه مست قلوبنا ولمست مشاعرنا .... حبناها وقلناها معاه .... وده يدل علي اننا قدام مبدع ... ابدع وغني له عشرات المطربين . ....احنا مع الراجل المبدع القوي الحساس الواضح الراجل اللي بسببه بيغني له مطربين كان هو اللي ليه الفضل بعد ربنا انهم يبقوا نجوم الصف الاول في التسعينيات ويغنوا في المملكه في عام ٢٠٢٣ .. ولو عملنا حفلات كتير مش هتخلص اجمل كلماتك.

واستكمل: وقت الحب مسبتناش وحبينا معاك وكتبت كلمات الحب .... ووقت الشده اللي مرينا بيها كتبت ولحنت تسلم الايادي ودخلت قلوبنا وفرحتنا معاك وبكينا معاك وضحكنا معاك حبناك من قبل مانشوفك ودلوقتي انت هنا معانا وده فخر لينا كلنا انك النقيب العام، لانك مشرفنا ومشرف نقابتنا ومشرف بلدنا هنا و في المملكه العربيه السعوديه وفي اي مكان يامصري يااصيل ياابن النيل، عشت لينا وابدعت يانجم ياصانع النجوم بجد ، والمجلس كله وراك وفي ضهرك علي قلب رجل واحد.