فيفي عبده: بنصح جمهوري بالصلاة وشوفوا حياتكم هتكون حلوة إزاي

خرجت الفنانة والراقصة فيفي عبده في فيديو بث مباشر عبر حسابها الرسمي بموقع التواصل الاجتماعي انستجرام، لتكشف بعض التفاصيل عن حياتها بعد الجدل الذي أثارته خلال الفترة الماضية.

تصريحات فيفي عبده

وكشفت الفنانة فيفي عبده عن سبب احتفائها، قائلة: اختفيت من فترة لأني كنت تعبانة وعملت عملية في العمود الفقري ودي كانت أول عملية أعملها في حياتي، وبعدها تخنت جدا ووصلت لـ 95 كيلو، متخيلين فيفي عبده بالوزن دا؟ واتكسفت أطلع لجمهوري بالمنظر دا إلا لما أخس، وأوحش حاجة على العمود الفقري هو التخن وأنا قفلت بوقي ومش هأكل إلا فاكهة ولما كنت تخينة كنت هضرب نفسي بالنار، وكنت هرقع بالصوت وياريت يعملوا تصريح ليا أضرب نفسي بالرصاص لأن لازم أعرف أنا بأكل كتير ليه؟

وتابعت: أنا مستغربة إني بقيت بنسى كتير رغم إني صغيرة وعندي 25 سنة لسه في عز شبابي ولكني بحمد ربنا كل يوم على النعم اللي في حياتي والحمدلله إن ربنا بيحبني، وبحمد ربنا إني على طول كويسة.

ووجهت نصيحة لجمهورها، قائلة: وبنصح كل جمهوري يصلي، الصلاة دي أهم حاجة وهتشوفوا بعد ما تصلوا حياتكم هتكون حلوة إزاي، وبدعي ربنا يحفظ لي بناتي وأحفادي.