مفيدة شيحة: أنا لو مندوب المبيعات قالي هتلبسي الفسان فين هضربه وأحبسه

علقت الإعلامية مفيدة شيحة، على ترند «مندوب الديلفري»، والذي انتشر على مواقع التواصل الاجتماعي خلال الساعات الماضية.

وانتقدت «شيحة» خلال برنامجها «الستات» عبر قناة «النهار»، اليوم الثلاثاء، «الترند»، مشددة على أن تصرف «مندوب الديلفري» يعد تجسسًا، وضد الدين.

وأضافت أن الواقعة تعد اختراقًا للخصوصية، وتصرفًا غير أمين، كما هاجمت «صاحبة» الواقعة وزوجها لموقفهما تجاه تصرف مندوب التوصيل، إضافة إلى نشر القصة على مواقع التواصل الاجتماعي.

وتابعت: «أنا لو مندوب توصيل قالي الفستان اللي انتي جايباه هتلبسيه فين، هقوله أي شيء عشان يجيلي وأشوفه بنفسي، وساعتها كنت هضربه قلمين على وشه، أو هبلغ عنه الشرطة».

قصة المندوب

وكانت قد أثارت إحدى الفتيات الجدل عبر حسابها الرسمي بموقع التواصل الاجتماعى «فيس بوك»، بعد طلبها قطعة ملابس عبر الإنترنت، قائلة: «حاجة تخص لبس البيت، بس ممكن تتلبس خارج البيت وتكون غير شرعية».

حيث كتبت السيدة رانية السنوسي، صاحبة الأوردر، قائلة: "من فترة طلبت حاجة أونلاين تخص لبس البيت بس ممكن تتلبس خارج البيت أيضًا وتكون غير شرعية، لكن بعد يومين من طلبه لقيت البنوتة اللي طلبته منها بتسألني هلبس الحاجة ديه خارج البيت، مبررة سؤالها إن المندوب لما شاف محتوى الشنطة قِلق؛ لأنه مش بيوصل أي حاجة غير شرعية".

تفاصيل الواقعة

وأضافت: يومين لقيت المندوب بيكلمني وبيسألني على المكان بالظبط، ولمّا قعدت أشرح له ولقى الشرح طويل، لقيته بيقصّر في الكلام، وقال لي: ممكن حضرتك تشرحي دا واتساب كتابةً؟.

وأضافت: بعدها اتصلت بها الفتاة التي اشترت منها الطلب، لتسألها هل سترتدي هذه الملابس خارج البيت، لترد عليها بالنفي، مبررة سؤالها أن المندوب لا يوصل الطلبات غير الشرعية.

وأردفت: وكمان سألني هل أنا عرّفتك الديفوه اللي في المنتج ولا لأ، عشان الأمانة، فعرّفته إني مبلغاكِ به، وإنك عارفة إن المنتج فيه ديفو وإني منزلة في سعرها عشان كدا.