زميلة وصديقة عمل.. أول تعليق من حسن شاكوش على وجود علاقة بينه وبين حورية فرغلي

علق مطرب المهرجانات حسن شاكوش على الأخبار المتداولة حول وجود علاقة بينه وبين الفنانة حورية فرغلي بعد تصريحات طليقته خلال حوارها مع الإعلامية بسمة وهبة عبر قناة المحور.

وكتب حسن شاكوش عبر صفحته الرسمية بموقع فيس بوك قائلا: جمهوري الغالي كل معاني الشكر ليكم ولكل شخص متفهم الموقف وشاركني البوست أنا شفت معظم التعليقات ومحترم كل شخص وكل كلمة حتى لو هيا عكسية الحقيقة دائما عند ربنا وسكوتي وعدم ردي شئ مريحني أكتر من الكلام ولكن في شئ يخص فنانة جميلة كلنا بنحبها وبنحترمها وحقيقي أنا لا أعلم صحة الكلام اللي بيتقال ولكن أنا من خلال صفحاتي الرسمية بحب أقول إن الفنانة حورية فرغلي لا يمسني بيها أي شيء غير أنها زميلة وصديقة عمل.

وأضاف حسن شاكوش: ومش فاهم سبب وجود سيرتها في الموضوع إيه من خلال البرامج أنا دلوقتي كلامي للإعلام أرجوكم بلاش تشاركوا الناس كلام غلط كفاية كلام في تفاصيل وحياة شخصية اللي ظاهر للناس يخص الناس أنا دلوقتي بمتنع عن أي كلام في حاجة تخص حياتي الشخصية أرجوا احترام رغبتي وكل التقدير ليكي يا فنانة يا كبيرة وبعتذر ليك مرة أخرى عن أي شئ اتحطيتي فيه.

ومن جانب آخر أعرب مطرب المهرجانات حسن شاكوش عن استيائه الشديد بسبب اتهامات طليقته ريم طارق الأخيرة، مع الإعلامية بسمة وهبة ببرنامج “90 دقيقة”.

وقال حسن شاكوش في فيديو عبر حسابه الشخصي بموقع التواصل الاجتماعي فيسبوك: أنا بعمل أغاني يا جماعة للبنات وللمجتمع بتاعي، وكل الناس اللي بتسمعني محترمة وفوق راسي، ومينفعش أجيب سيرة واحدة بشكل وحش لأن ده اللي اتربيت عليه.

وأضاف: مش خوف ولا ضعف بس أنت كنت في يوم من الأيام كنتي مراتي، لأن في الأول والأخر كنت في يوم من الأيام أنا الراجل بتاعك ورغم كل ده وأبشع الألفاظ اللي شوفتها وأهلي اللي اتشتموا على السوشيال ميديا كلها، لدرجة إني كنت بقولهم محدش يتكلم.

وواصل: حسن شاكوش اتجوز 55 يوم ومتكلمتش، واللي كنت عايز اتكلم فيه طليقها طلع اتكلم فيه، فأنا هقول ايه طليقك قال الخلاصة، حقك عليا واسف لكل ست مصرية.

سبب طلاق حسن شاكوش وريم طارق

وكانت قد تحدت ريم طارق طليقة مؤدي المهرجانات حسن شاكوش، طليقها الفنان حسن شاكوش على الهواء، حيث وجهت له رسالة قائلة: "أنا مع الدكتورة بسمة مش هحكي أي حاجة عن تفاصيل الطلاق، وطالبة منك تواجهني قدام العالم كله"، وذلك، خلال حوارها مع الإعلامية بسمة وهبة، من برنامج "90 دقيقة"، على قناة "المحور".

وقالت الإعلامية بسمة وهبة: "حاولنا التواصل مع حسن شاكوش، لكن مدير أعماله ردّ على فريق الإعداد وقال إنه يرفض الظهور معنا اليوم".

إلى ذلك، قالت ريم طارق: "حسن شاكوش مقدرش يواجه، عشان هو عارف إني مقصرتش معاه في حاجة وكنت ماشية معاه بما يرضي الله وساعدته كثيرا، وأكيد هيرد على مسرح زي ما بيعمل وتقدمت بشكوى للنقابة إنه بيجيب سيرتي على المسرح، وأنتظر نتائج التحقيق".

إلى ووجهت بسمة وهبة رسالة لحسن شاكوش، قائلة: "طالما كل واحد راح لحاله مفيش داعي للمشكلات، ولو لها حق أو حاجات عندك خليها تاخدها لأنها ولية، ومهما كنت شايل منها اديها حاجتها، ولو حبيت تيجي ترج القناة مفتوحة لك والبرنامج مفتوح لك".