ياسمين عز تنصح زوجة المشجع الزملكاوي: قوليله حاضر عشان عايش فوق طاقته الفترة دي

كشفت الإعلامية ياسمين عز طريقة التعامل مع الزوج الزملكاوي في الفترة الحالية، مشيرة إلى انه خارج من العديد من الخسائر أهمها لاعبي ناديه ينتقلون لنادي منافس، ويحتاج لمعاملة خاصة.

وقالت ياسمين عز خلال برنامجها “كلام الناس”: الله يكون في عون زوجك الزملكاوي شايل فوق طاقته وعايز معاملة خاصة الأيام دي فريقه بيضيع وبينضم للفريق المنافس وبيتحفل عليه لازم تقوليله على كل حاجة حاضر يا فرعوني.

وأضافت: فرعونك حبيبك الزملكاوي لو خط دفاعه خذله لازم تكوني خط دفاعه الأول ولو خط وسط خذله لازم تكوني رمانة الميزان في كل قراراته ولو هجوم خذله لازم تكوني مهاجمه الأول.

ياسمين عز تدافع عن محمد صبحي

وعن الهجوم على حارس الزمالك، قالت ياسمين عز: بقاله يومين عايش حياة صعبة بسبب هجوم جمهور الزمالك عليه، هذا الشاب اشتري الزمالك في وقت كان فيه قريب من الانتقال لنادي تاني.

وواصلت: خلاكم متتأثروش برحيل أبو جبل مينفعش وميصحش علشان مكنش موفق في ماتش يتهاجم بالطريقة دي، خلي عندكم رصيد في قلوبكم للراجل اللي اشتراكم.

ياسمين عز تنصح بالزواج من المهندس

في وقت سابق كانت قد نصحت الإعلامية ياسمين عزالشباب بالزواج من مهندسة قائلة اتجوز مهندسة دي على الفرزاة وزي الكتاب ما بيقول..ومتصدقش اللي بيتقال عنهم أنهم مسترجلين ومش حلوين دول ملكات جمال وبتتعرف من حواجبها الاتنين قد بعض.

كما نصحت الشباب الزواج من مدرسة قائلة لو زعلتها عمرها ما هتسبلك البيت آخرها هتعملك استدعاء ولي أمر .

وأضافت ياسمين حياتها كرسات وحروف يعني هتسمع على طول أغنية «أد الحروف».. اللي بتغنيها مين؟ بتغنيها أصالة.. اللي بتقدس زوجها..

وتابعتاتجوز مدرسة وأنت مغمض هتصصح غلطات حياتك وهتمسحهالك بأستيكة وعمرها ما تسألك عن ماضيك وهاتسيب لك حصتها ف الفرخة.

وأضافت اتجوز مدرسة هتشوف معاه الدلع كله وهتحس معاها أنك طفل وبيبي صغير، كفاية لو زعلتها تقولها سوري يا ميس أو يا أبلة