حسن شاكوش بعد اتهامه بسب زوجته: مش تربيتي أبهدل بنات الناس وأجرحهم بكلام

كشف الفنان حسن شاكوش حقيقة التحفظ عليه من الجهات المعنية بسبب سب وقذف زوجته، مشيرًا إلى أن كل ما يتم تداوله عار من الصحة.

وقال حسن شاكوش في فيديو عبر حسابه الشخصي فيسبوك: أهلي عندي في البيت ومشرفني في بيتي، وحبيت أطمنكم مفيش أي حاجة إحنا جامدين ومفيش إلا أحنا، وعندي حفلة دلوقتي في المعادي ومستني كل حبايبي.

وأضاف: الواحد مش تربيته أنه يبهدل بنات الناس أو يجرحهم بأي كلمة لأن أنتوا عارفين الست والبنت لو بصتلها بصة وحشه توجعها، وأهلي ربوني إني احترم بنات الناس واللي يعرفني هيعرف إني مش بعمل مشاكل مع حد ومش بأذي حد ولا بتكلم بإسلوب وحش مع حد، واللي بيقول كده عشان يشهر بيا ويخلي صورتي وحشه اقوله ربنا مش على كيف حد أنا بقول دايما يارب مش بقول يا عبد، أنا طالع من قلب بيتي بتكلم معاكم، اللي هيكتب عني حاجة هيقعدلك ويقعد لعيالك ولازم تدخل لعيالك بفلوس حلال مش حرام،الظالم وابن الحرام ربنا ينتقم منه.

وواصل: أنا طلعت اتكلم معاكم وأقولكم إني قاعد في البيت ومش هينفع اتكلم كتير عشان الجامع جنب مني، في أغنية هتنزل الفترة الجاية مع عمر كمال اسمها دي حلوة.