بسمة وهبة لمنتقدي أسعار الساحل: في أماكن كتير وأرخص .. هي مصر مفيهاش إلا الساحل الشمالي؟!

وجت الإعلاميةبسمة وهبة رسالة لمنتقدي أسعار الساحل الشمالي،وذلك خلال تقديم حلقة اليوم، من برنامج «90 دقيقة»، على قناة «المحور».

وقالت الإعلامية بسمة وهبة: «موسم الهجوم بدأ، رغم أنها أجمل وأحلى منطقة بنحبها، وهي ملجأ للمصطافين والسياح، والهجوم الذي أقصده هو مقاطع الفيديو المتداولة على منصات التواصل الاجتماعي».

وأضافت: «البعض يقولون مين سافر بالعربية ومين عنده إيه، ومين سهر فين، وحفل مين بكم؟ للأسف في ناس فاضيين ومحدش شايفهم وقاعدين بيتسلوا».

وتابعت: «بهذه الطريقة أنتم تتسببون في أذى لهذا البلد، لأنكم بتطفشوا السياح والسياحة، وفي ناس بتقضوا عليهم من موظفين وعمال، أكل عيشهم في الـ3 شهور دول، ولو أنت مش قادر تطلع الساحل متروحش هناك، مش لازم تروح هناك».

وأوضحت: «السنة اللي فاتت قالوا الساحل الطيب والساحل الشريف، والسنة دي بيقولوا شوفوا زجاجة المياه بكام والطعمية بكام، طب ما تشتري عجينة وحمرها في البيت، كده هيبقى أرخص لك… في طرق كتير للتوفير، متطلعش الساحل، وهي مصر مفيهاش إلا الساحل الشمالي؟! في أماكن كتير وأرخص».